ການນຳສະພາສູງ ແລະສະພາຕໍ່າມາເລເຊຍ ຕີລາຄາສູງຂໍ້ລິເລີ່ມຮ່ວມມືຂອງສະພາແຫ່ງຊາດຫວຽດນາມ

ທ່ານຮອງປະທານສະພາແຫ່ງຊາດ ຫງວຽນຄັກດິ້ງ ແລະທ່ານປະທານສະພາຕໍ່າມາເລເຊຍ Johari Bin Abdul. ພາບ: ສໍານັກຂ່າວສານຫວຽດນາມ

ທີ່ບັນດາການພົບປະ, ການນຳສະພາສູງ ແລະສະພາຕໍ່າມາເລເຊຍ ສະເໜີໃຫ້ສອງຝ່າຍສ້າງຕັ້ງເຄືອຂ່າຍຜ່ານບັນດາວິສາຫະກິດ, ນັກທຸລະກິດ ແລະພົນລະເມືອງໜຸ່ມລະຫວ່າງສອງປະເທດ; ຄົ້ນຄວ້າສ້າງຕັ້ງລະບົບສະໜອງທີ່ເໝາະສົມເພື່ອຜະລິດຊິບເຄິ່ງຊັກນຳໄຟຟ້າ, ເຕັກໂນໂລຊີສູງ, ເຊິ່ງແມ່ນໜຶ່ງໃນບັນດາຂົງເຂດທີ່ມາເລເຊຍ ໄດ້ ແລະພວມຊຸກຍູ້ພັດທະນາ.

ສ່ວນທ່ານຮອງປະທານສະພາແຫ່ງຊາດ ຫງວຽນຄັກດິ້ງ ສະເໜີໃຫ້ສອງຝ່າຍຊຸກຍູ້ການລົງນາມໃນຂໍ້ຕົກລົງຮ່ວມມືລະຫວ່າງສະພາແຫ່ງຊາດຫວຽດນາມ ກັບສະພາຕໍ່າ, ສະພາສູງມາເລເຊຍ; ເພີ່ມທະວີການພົບປະຂັ້ນສູງ ແລະທຸກຂັ້ນ, ລະຫວ່າງສະມາຊິກລັດຖະສະພາຂອງສອງປະເທດ… ທ່ານ ກໍ່ເນັ້ນໜັກວ່າ, ຕ້ອງສືບຕໍ່ເສີມຂະຫຍາຍກົນໄກສົມທົບກັນຢູ່ບັນດາເວທີປາໄສຫຼາຍຝ່າຍ; ສະໜັບສະໜູນຫຼັກໝັ້ນຂອງກັນກ່ຽວກັບບັນດາບັນຫາພາກພື້ນ ແລະສາກົນທີ່ຕ່າງຝ່າຍຕ່າງມີຄວາມສົນໃຈ, ພ້ອມທັງເພີ່ມທະວີການຮ່ວມມືລະຫວ່າງຫ້ອງວ່າການສະພາແຫ່ງຊາດຫວຽດນາມ ກັບຄະນະເລຂາສະພາສູງມາເລເຊຍ.

ໂດຍ: ກວ໊ຽດເຕິມ