ປະທານສະພາແຫ່ງຊາດຫວຽດນາມ ເວືອງດິ່ງເຫວະ ຕ້ອນຮັບເອກອັກຄະລັດຖະທູດຈີນ ປະຈຳ ຫວຽດນາມ
ກປ.ອອນໄລ - ຕອນບ່າຍວັນທີ 8 ມີນາ, ຢູ່ຫໍສະພາແຫ່ງຊາດ, ທ່ານປະທານສະພາແຫ່ງຊາດ ເວືອງດິ່ງເຫວະ ໄດ້ໃຫ້ການຕ້ອນຮັບທ່ານ Xiong Bo ເອກອັກຄະລັດຖະທູດຈີນ ປະຈຳ ຫວຽດນາມ.
ທີ່ການພົບປະ, ສອງຝ່າຍໄດ້ສະແດງຄວາມປິຕິຊົມຊື່ນເມື່ອເຫັນວ່າ, ໃນໄລຍະຜ່ານມາ, 6 ທິດທາງການຮ່ວມມືໃຫຍ່ລະຫວ່າງສອງປະເທດໄດ້ຮັບການຜັນຂະຫຍາຍ ແລະໄດ້ຮັບໝາກຜົນໃນເບື້ອງຕົ້ນຢ່າງຕັ້ງໜ້າ. ການພົບປະແລກປ່ຽນ, ການພົບປະຂັ້ນສູງ ແລະທຸກຂັ້ນ, ທຸກຂະແໜງການ, ທ້ອງຖິ່ນຂອງສອງປະເທດໄດ້ຮັບການຜັນຂະຫຍາຍ. ການຮ່ວມມືດ້ານເສດຖະກິດ, ການຄ້າ ແລະການລົງທຶນບັນລຸໄດ້ບັນດາໝາກຜົນທີ່ພົ້ນເດັ່ນ. ສອງຝ່າຍເຫັນດີເປັນເອກະພາບຮັກສາການພົບປະແລກປ່ຽນ, ການພົບປະຂັ້ນສູງເປັນປະຈຳຕາມຮູບການທີ່ມີໄຫວພິບ; ຜັນຂະຫຍາຍຄວາມຮັບຮູ້ລວມຂັ້ນສູງໃນການເພີ່ມທະວີການພົບປະແລກປ່ຽນປະຊາຊົນ, ຍູ້ແຮງການໂຄສະນາເຜີຍແຜ່ກ່ຽວກັບການພົວພັນມິດຕະພາບ ຫວຽດນາມ - ຈີນ ກໍ່ຄືຜົນງານຂອງການປ່ຽນແປງໃໝ່, ການປະຕິຮູບເປີດປະຕູຂອງແຕ່ລະປະເທດ, ເພີ່ມທະວີຄວາມເຂົ້າໃຈ ແລະນໍ້າໃຈມິດຕະພາບເຊິ່ງກັນແລະກັນລະຫວ່າງປະຊາຊົນສອງປະເທດ, ພິເສດແມ່ນຮຸ່ນໜຸ່ມ; ເພີ່ມທະວີການສົມທົບ ແລະສະໜັບສະໜູນເຊິ່ງກັນ ແລະກັນໃນບັນດາຂອບເຂດຫຼາຍຝ່າຍ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/03/09/upload_2124/qtrang09032024_06.jpeg?dpi=150&quality=100&w=500) |
ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫວະ ຕ້ອນຮັບທ່ານ Xiong Bo ເອກອັກຄະລັດຖະທູດຈີນ ປະຈຳ ຫວຽດນາມ. ພາບ: ສໍານັກຂ່າວສານຫວຽດນາມ. |
ສອງຝ່າຍເຫັນດີເປັນເອກະພາບສືບຕໍ່ຊຸກຍູ້ການພົວພັນລະຫວ່າງສອງຝ່າຍ, ໃນນັ້ນມີການຢ້ຽມຢາມຂອງການນຳຂັ້ນສູງ ແລະບັນດາອົງການນິຕິບັນຍັດຂອງສອງປະເທດໃນໄລຍະຈະມາເຖິງ. ທ່ານປະທານສະພາແຫ່ງຊາດ ເວືອງດິ່ງເຫວະ ເຊື່ອໝັ້ນວ່າ, ດ້ວຍອາລົມຈິດ, ບົດຮຽນປະສົບການ, ຄວາມເຂົ້າໃຈກ່ຽວກັບຫວຽດນາມ ແລະການພົວພັນລະຫວ່າງສອງປະເທດ, ທ່ານເອກອັກຄະລັດຖະທູດ Xiong Bo ຈະສືບຕໍ່ເປັນຂົວຕໍ່ຊຸກຍູ້ບັນດາຂົງເຂດຮ່ວມມືລະຫວ່າງສອງປະເທດຢ່າງມີປະສິດທິຜົນ, ປະກອບສ່ວນປະຕິບັດຄວາມຮັບຮູ້ລວມຂອງຜູ້ນໍາຂັ້ນສູງເປັນຢ່າງດີ; ຫັນບັນດາຜົນງານໃໝ່, ເນື້ອໃນໃໝ່ຂອງການພົວພັນຄູ່ຮ່ວມມືຮ່ວມມືຍຸດທະສາດຮອບດ້ານ ຫວຽດນາມ - ຈີນ ໃຫ້ປະກົດເປັນຈິງ, ນຳການພົວພັນລະຫວ່າງສອງພັກ, ສອງປະເທດໃຫ້ພັດທະນາຢ່າງບໍ່ຢຸດຢັ້ງ, ເຂົ້າສູ່ລວງເລິກ, ມີສະຖຽນລະພາບ, ດີງາມ ແລະຍືນຍົງຍາວນານ.
ໂດຍ: ຈາງຫງວຽນ