ລັດຖະມົນຕີກະຊວງຕຳຫຼວດ ໂຕເລິມ ໄປຢ້ຽມຢາມ ແລະເຮັດວຽກຢູ່ ອີຢິບ
ທ່ານພົນເອກ ໂຕເລິມ, ລັດຖະມົນຕີກະຊວງຕຳຫຼວດຫວຽດນາມ ໄດ້ນຳໜ້າຄະນະຜູ້ແທນພັກກອມມູນິດ ຫວຽດນາມ ໄປຢ້ຽມຢາມ ແລະເຮັດວຽກຢູ່ ອີຢິບ ແຕ່ວັນທີ 2-5 ທັນວາ.
ຢູ່ທີ່ນີ້, ທ່ານພົນເອກ ໂຕເລິມ ໄດ້ພົບປະເຈລະຈາກັບທ່ານ Abdel Wahab Abdel Razeq, ປະທານສະພາສູງ ອີຢິບ ທັງເປັນປະທານພັກອະນາຄົດແຫ່ງຊາດ (NFP) ກຳອຳນາດ; ພົບປະເຈລະຈາກັບທ່ານເລຂາທິການໃຫຍ່ພັກກອມມູນິດ ອີຢິບ Salah Adly; ທ່ານເລຂາທິການໃຫຍ່ພັກສັງຄົມນິຍົມ ອີຢິບ Ahmed Bahaa El-Din Shaaban; ເຮັດວຽກກັບທ່ານລັດຖະມົນຕີກະຊວງພາຍໃນ Mahmoud Tawfiq Kandil.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2023/12/05/upload_2121/05122023-tt06-01.jpg?dpi=150&quality=100&w=500) |
ທ່ານພົນເອກ ໂຕເລິມ ເຮັດວຽກກັບທ່ານລັດຖະມົນຕີກະຊວງພາຍໃນ Mahmoud Tawfiq Kandil. ພາບ: vov.vn |
ທີ່ບັນດາການເຮັດວຽກ, ສອງຝ່າຍເຫັນດີສືບຕໍ່ຊຸກຍູ້ການພົວພັນມິດຕະພາບ, ການຮ່ວມມືອັນດີງາມ; ສືບຕໍ່ຮັກສາບັນດາກົນໄກຮ່ວມມືສອງຝ່າຍ; ຊຸກຍູ້ການຈັດກອງປະຊຸມຄັ້ງທີ 6 ຄະນະກຳມະການປະສົມ ຫວຽດນາມ - ອີຢິບ ໂດຍໄວ; ປັບປຸງ ແລະຍົກສູງປະສິດທິຜົນການພົວພັນມິດຕະພາບ, ການຮ່ວມມືລະຫວ່າງພັກກອມມູນິດຫວຽດນາມ ກັບບັນດາພັກການເມືອງຢູ່ ອີຢິບ, ລະຫວ່າງບັນດາອົງການຈັດຕັ້ງການເມືອງ - ສັງຄົມຂອງສອງປະເທດ; ສືບຕໍ່ສົມທົບກັນຢ່າງແໜ້ນແຟ້ນ, ບັນລຸປະສິດທິຜົນຢູ່ບັນດາເວທີປາໄສຫຼາຍຝ່າຍສາກົນ; ສ້າງເງື່ອນໄຂສະດວກໃຫ້ແກ່ການແລກປ່ຽນການຄ້າ, ຊອກຫາກາລະໂອກາດຮ່ວມມື. ສອງຝ່າຍກໍ່ເຫັນດີເພີ່ມທະວີການສົມທົບກັນຢ່າງແໜ້ນແຟ້ນກວ່າ ໃນວຽກງານປ້ອງກັນຄວາມສະຫງົບແຫ່ງຊາດ, ປ້ອງກັນຕ້ານການກໍ່ການຮ້າຍ, ອາດຊະຍາກຳ; ຮັບປະກັນຄວາມໝັ້ນຄົງ, ຄວາມປອດໄພໃຫ້ແກ່ບັນດາການເຄື່ອນໄຫວລົງທຶນ, ການຄ້າ, ການທ່ອງທ່ຽວຂອງແຕ່ລະຝ່າຍ…
ຂ່າວ: ວິທະຍຸກະຈາຍສຽງຫວຽດນາມ