ນາຍົກລັດຖະມົນຕີກຳປູເຈຍ ຂອບໃຈລັດຖະບານຫວຽດນາມ ໄດ້ໃຫ້ການໜູນຊ່ວຍໃນການປ້ອງກັນ, ຕ້ານພະຍາດໂຄວິດ - 19
ກປ.ອອນໄລ - ວັນທີ 2 ເມສາ, ທ່ານ Samdech Techo Hun Sen ນາຍົກລັດຖະມົນຕີກຳປູເຈຍ ໄດ້ສົ່ງສານຂອບໃຈມາຍັງທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ກ່ຽວກັບເລື່ອງຫວຽດນາມ ໃຫ້ການໜູນຊ່ວຍກຳປູເຈຍ ໃນການປ້ອງກັນ, ຕ້ານພະຍາດໂຄວິດ- 19.
    |
 |
|
ຫວຽດນາມ ແລະກໍາປູເຈຍ ຮ່ວມມືຢ່າງແໜ້ນແຟ້ນໃນການປ້ອງກັນ, ຕ້ານພະຍາດໂຄວິດ-19. ພາບ: Fresh News |
ທ່ານ Hun Sen ນາຍົກລັດຖະມົນຕີກໍາປູເຈຍ ໄດ້ສົ່ງຄໍາຂອບອົກຂອບໃຈມາຍັງລັດຖະບານ ແລະປະຊາຊົນຫວຽດນາມ ທີ່ໄດ້ໜູນຊ່ວຍບ້ວງເງິນ 200.000 ໂດລາສະຫະລັດ ເພື່ອແນໃຊ່ຊ່ວຍເຫຼືອລັດຖະບານ ແລະປະຊາຊົນກໍາປູເຈຍ ປ້ອງກັນ, ຕ້ານພະຍາດໂຄວິດ-19. ທ່ານ Hun Sen ກໍ່ຢັ້ງຢືນຄືນໃໝ່ຄໍາໝັ້ນສັນຍາຂອງກໍາປູເຈຍ ແມ່ນຈະຮ່ວມມືຢ່າງແໜ້ນແຟ້ນກັບຫວຽດນາມ ເພື່ອຜ່ານຜ່າວິກິດການນີ້.
ທ່ານ Hun Sen ກໍ່ຮັບປະກັນວ່າ ຊາວຕ່າງປະເທດໃນນັ້ນມີຊາວກຳປູເຈຍເຊື້ອຊາດຫວຽດນາມ ທີ່ພວມດຳລົງຊີວິດ, ຮໍ່າຮຽນ ແລະເຮັດວຽກຢູ່ກຳປູເຈຍ ຈະໄດ້ຮັບການໜູນຊ່ວຍ ແລະເບິ່ງແຍງດູແລກດ້ານການແພດເໝືອນດັ່ງພົນລະເມືອງກຳປູເຈຍ. ພ້ອມກັນນັ້ນ, ກໍ່ຮັບຮູ້ລັດຖະບານຫວຽດນາມ ໄດ້ມີການປະພຶດທີ່ດີຕໍ່ປະຊາຄົມຊາວກຳປູເຈຍ ທີ່ພວມດຳລົງຊີວິດຢູ່ຫວຽດນາມ ໃນໄລຍະອັນຫຍຸ້ງຍາກຄືໃນປັດຈຸບັນ.
ໂດຍ: ທູຈາງ