ຫວຽດນາມ ເຂົ້າຮ່ວມເວທີປາໄສລະຫວ່າງພັກສາກົນຂອງ SCO+
ກປ.ອອນໄລ - ໂດຍໄດ້ຮັບຄຳເຊີນຂອງພັກປະເທດລັດເຊຍເອກະພາບ, ຄະນະຜູ້ແທນພັກກອມມູນິດຫວຽດນາມ ນໍາໂດຍທ່ານ ຮ່ວາງບິ່ງກວນ, ຫົວໜ້າຄະນະພົວພັນຕ່າງປະເທດສູນກາງພັກ ເຂົ້າຮ່ວມເວທີປາໄສທາງອອນລາຍລະຫວ່າງພັກສາກົນຂອງອົງການຮ່ວມມືຊຽງໄຮ້ເປີດກວ້າງ (SCO+) ພາຍໃຕ້ຫົວຂໍ້: “ເສດຖະກິດທີ່ສະຫງວນໃຫ້ແກ່ປະຊາຊົນ” ເຊິ່ງດຳເນີນໃນລະຫວ່າງວັນທີ 22 - 23 ຕຸລາ.
|
|
ທ່ານ ຮ່ວາງບິ່ງກວນ, ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ເຂົ້າຮ່ວມເວທີປາໄສຜ່ານລະບົບທາງໄກ. ພາບ: ສໍານັກຂ່າວສານຫວຽດນາມ. |
ກ່າວຄໍາເຫັນທີ່ວາລະໄຂເວທີປາໄສ, ທ່ານ ຮ່ວາງບິ່ງກວນ ໄດ້ເນັ້ນໜັກເຖິງທັດສະນະສະເໝີຕົ້ນສະເໝີປາຍ, ລຸລ່ວງຂອງຫວຽດນາມແມ່ນ “ຖືປະຊາຊົນເປັນໃຈກາງ” ໃນທຸກນະໂຍບາຍ, ຍຸດທະສາດພັດທະນາດ້ວຍເປົ້າໝາຍແມ່ນປະຊາຊົນໝົດທຸກຄົນມີຊີວິດການເປັນຢູ່ທີ່ອີ່ມໜຳສຳລານ, ເສລີພາບ, ມີຄວາມຜາສຸກ, ມີເງື່ອນໄຂພັດທະນາຢ່າງຮອບດ້ານ. ດ້ວຍທັດສະນະດັ່ງກ່າວນັ້ນ, ຫວຽດນາມ ສາມາດບັນລຸໄດ້ບັນດາໝາກຜົນທີ່ຕັ້ງໜ້າໃນການປະຕິບັດ “ໜ້າທີ່ຄວບຄູ່” - ທັງປ້ອງກັນ, ຕ້ານພະຍາດໂຄວິດ-19 ທັງຮັກສາ, ພັດທະນາເສດຖະກິດ. ທ່ານ ຮ່ວາງບິ່ງກວນ, ສະເໜີໃຫ້ບັນດາປະເທດ, ບັນດາພັກການເມືອງເສີມຂະຫຍາຍບົດບາດໃນການຊຸກຍູ້ຄວາມມານະພະຍາຍາມເພື່ອປ້ອງກັນ, ຕ້ານໂລກລະບາດ.
ໂດຍ: ກວຽດເຕິມ