ແຂວງກວ໋າງບີ່ງ ຈັດພິທີໄວ້ອາໄລ ແລະປົງອັດຖິນັກຮົບເສຍສະຫຼະຊີວິດເພື່ອຊາດ ຈໍານວນ 16 ອັດຖິ
ກປ.ອອນໄລ - ວັນທີ 23 ພຶດສະພາ, ຢູ່ສຸສານນັກຮົບເສຍສະຫຼະຊີວິດເພື່ອຊາດບາຢົ໊ກ (ເມືອງໂບ໊ແຈັກ, ແຂວງກວ໋າງບີ່ງ), ຄະນະພັກແຂວງ, ສະພາປະຊາຊົນ, ຄະນະກໍາມະການປະຊາຊົນ, ຄະນະກໍາມະການແນວໂຮມປະເທດຊາດຫວຽດນາມ ແຂວງກວ໋າງບີ່ງ ໄດ້ຈັດຕັ້ງພິທີໄວ້ອາໄລ ແລະປົງອັດຖິທະຫານອາສາສະໝັກ ແລະຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ. ທ່ານພົນໂທ ຫວໍມີງເລືອງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ, ຮອງຫົວໜ້າຄະນະຊີ້ນຳແຫ່ງຊາດ 515 ເຂົ້າຮ່ວມພິທີ.
ໃນລະດູແລ້ງ 2023-2024, ກອງທ້ອນໂຮມ 589 ສືບຕໍ່ປະຕິບັດໜ້າທີ່ຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດຢູ່ແຂວງຄຳມ່ວນ (ລາວ). ກົມກອງໄດ້ເຄື່ອນໄຫວເປັນເວລາດົນນານພໍສົມຄວນ, ຢູ່ກິນໃນປ່າ, ອາກາດຮ້າຍແຮງ, ພູມສັນຖານລ້ວນແຕ່ເປັນປ່າ, ພູທຸລະກັນດານ, ການໄປມາຫຍຸ້ງຍາກ. ໂດຍໄດ້ຮັບຄວາມເອົາໃຈໃສ່, ຊ່ວຍເຫຼືອຈາກຄະນະພັກ, ອຳນາດການປົກຄອງ ແລະປະຊາຊົນແຂວງຄຳມ່ວນ, ພະນັກງານ, ພາລະກອນກົມກອງໄດ້ມານະພະຍາຍາມຜ່ານຜ່າທຸກຄວາມຫຍຸ້ງຍາກ, ລໍາບາກ, ຕັ້ງໜ້າເກັບກຳຂໍ້ມູນ, ເປີດກວ້າງ, ຂະຫຍາຍບໍລິເວນສຳຫຼວດ, ຊອກຫາ, ຂຸດຄົ້ນ, ສາມາດທ້ອນໂຮມໄດ້ 16 ອັດຖິ, ບັນລຸ 106,6% ຄາດໝາຍທີ່ໄດ້ຮັບມອບໝາຍ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/24/upload_2122/24052024_th_03.jpg?dpi=150&quality=100&w=500) |
ເຄື່ອນຍ້າຍອັດຖິນັກຮົບທີ່ເສຍສະຫຼະຊີວິດເພື່ອຊາດໄປປົງໄວ້ຢູ່ສຸສານ. ພາບ: ມີງຕູ໊ |
ໃນວິວັດການປະຕິບັດໜ້າທີ່, ພະນັກງານ, ພາລະກອນກອງທ້ອນໂຮມ 589 ຍາມໃດກໍ່ຍົກສູງຈິດໃຈສາມັກຄີ, ເປັນເອກະພາບ, ຮັກສາລະບຽບວິໄນຂອງກອງທັບຢ່າງເຂັ້ມງວດ, ປະຕິບັດນະໂຍບາຍ, ກົດໝາຍຂອງລັດ ກໍ່ຄືຮີດຄອງປະເພນີຂອງປະເທດລາວ; ມອບເຄື່ອງນຸ່ງຈຳນວນ 1.300 ຊຸດ, ກວດພະຍາດ, ໃຫ້ຄໍາປຶກສາດ້ານສຸຂະພາບ, ແຈກຢາຍຢຸກຢາໂດຍບໍ່ເສຍຄ່າໃຫ້ປະຊາຊົນນັບຮ້ອຍຄົນ; ລະດົມວັນເຮັດວຽກໄດ້ກວ່າ 400 ວັນ ສົມທົບກັບການສ້ອມແປງຂອບເຂດເຮືອນຊຸມຊົນ 11 ຫຼັງ, ໂຮງຮຽນ 10 ແຫ່ງ, ເສັ້ນທາງ 4 ກິໂລແມັດ...
ທີ່ພິທີ, ບັນດາຜູ້ແທນໄດ້ກົ້ມຫົວໄວ້ອາໄລ 1 ນາທີ ເພື່ອສະແດງຄວາມຮູ້ບຸນຄຸນຕໍ່ນັກຮົບວິລະຊົນທີ່ເສຍສະຫຼະຊີວິດເພື່ອຊາດທີ່ໄດ້ເສຍສະຫຼະຊີວິດຢ່າງພິລະອາດຫານເພື່ອສັນຕິພາບ, ເອກະລາດແຫ່ງຊາດ ແລະປະຕິບັດພັນທະສາກົນອັນສູງສົ່ງ.
ໂດຍ: ເຈິ່ນຮວ່ຽນ