ຕ້ອນຮັບ 12 ອັດຖິນັກຮົບທີ່ເສຍສະຫຼະຊີວິດເພື່ອຊາດຢູ່ລາວ ກັບຄືນປະເທດ
ກປ.ອອນໄລ - ວັນທີ 21 ພຶດສະພາ, ຢູ່ດ່ານຊາຍແດນສາກົນລາວບາວ (ເມືອງເຮື໊ອງຮ໊ວາ, ແຂວງກວາງຈິ) - ແດນສະຫວັນ (ແຂວງສະຫວັນນະເຂດ, ລາວ), ການນໍາທ້ອງຖິ່ນ, ກອງທັບ ແລະປະຊາຊົນ 2 ແຂວງກວາງຈິ ແລະແຂວງສະຫວັນນະເຂດ ໄດ້ຈັດພິທີມອບ-ຮັບ, ເຄື່ອນຍ້າຍອັດຖິຂອງທະຫານອາສາສະໝັກ ແລະນັກຊ່ຽວຊານຫວຽດນາມ ທີ່ເສຍສະຫຼະຊີວິດເພື່ອຊາດຢູ່ລາວ ກັບຄືນປະເທດຢ່າງສົມກຽດ.
ຜູ້ຕາງໜ້າຄະນະຈັດຕັ້ງພິທີໄດ້ຖະແຫຼງໃຫ້ຮູ້ວ່າ: ໃນລະດູແລ້ງປີ 2023-2024, ກອງທ້ອນໂຮມອັດຖິນັກຮົບທີ່ເສຍສະຫຼະຊີວິດເພື່ອຊາດ 584 (ຂຶ້ນກັບກອງບັນຊາການທະຫານແຂວງກວາງຈິ) ໄດ້ຈັດຕັ້ງການຊອກຫາອັດຖິຂອງທະຫານອາສາສະໝັກ ແລະນັກຊ່ຽວຊານຫວຽດນາມ ທີ່ເສຍສະຫຼະຊີວິດຢູ່ແຂວງສະຫວັນນະເຂດ. ຍ້ອນມີການຊ່ວຍເຫຼືອຂອງພະນັກງານ, ປະຊາຊົນລາວ, ກອງທ້ອນໂຮມ 584 ຈຶ່ງພົບເຫັນ ແລະຂຸດຄົ້ນອັດຖິນັກຮົບທີ່ເສຍສະຫຼະຊີວິດເພື່ອຊາດ 12 ຊຸດ. ຫຼັງຈາກນັ້ນ, ບັນດາອັດຖິນັກຮົບທີ່ເສຍສະຫຼະຊີວິດເພື່ອຊາດໄດ້ເຄື່ອນຍ້າຍໄປໄວ້ຢູ່ສຸສານນັກຮົບເສຍສະຫຼະຊີວິດເພື່ອຊາດແຫ່ງຊາດ ຖະໜົນ 9 ເພື່ອຈັດພິທີໄວ້ອາໄລ ແລະຝັງອັດຖິໃນວັນທີ 22 ພຶດສະພາ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/22/upload_2124/qtrang22052024_02.jpeg?dpi=150&quality=100&w=500) |
ພິທີມອບ-ຮັບອັດຖິນັກຮົບທີ່ເສຍສະຫຼະຊີວິດເພື່ອຊາດ ກັບຄືນປະເທດ. ພາບ: congan.com.vn |
ທີ່ພິທີ, ບັນດາຜູ້ແທນຂອງສອງປະເທດໄດ້ຖະຫວາຍດອກໄມ້, ທູບທຽນອາໄລຫາບັນດາວິລະຊົນນັກຮົບທີ່ເສຍສະຫຼະຊີວິດເພື່ອຊາດ ທີ່ສູ້ຮົບຢ່າງອົງອາດກ້າຫານ, ເສຍສະຫຼະຊີວິດເພື່ອຊາດ ແລະຈິດໃຈສາກົນອັນສູງສົ່ງ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/22/upload_2124/qtrang22052024_03.jpeg?dpi=150&quality=100&w=500) |
ພິທີມອບ-ຮັບ ແລະເຄື່ອນຍ້າຍອັດຖິນັກຮົບທີ່ເສຍສະຫຼະຊີວິດເພື່ອຊາດໄປໄວ້ຢູ່ສຸສານນັກຮົບເສຍສະຫຼະຊີວິດເພື່ອຊາດແຫ່ງຊາດ ທາງເລກ 9. ພາບ: congan.com.vn |
ທ່ານພົນຈັດຕະວາ ສີ ທະວີໄຊ, ຫົວໜ້າການເມືອງກອງບັນຊາການທະຫານແຂວງ, ຮອງປະທານຄະນະປະຕິບັດງານພິເສດແຂວງສະຫວັນນະເຂດ ໄດ້ສະແດງຄວາມເຄົາລົບ, ອຳລາບັນດາວິລະຊົນ, ນັກຮົບຂອງຫວຽດນາມ ທີ່ໄດ້ເສຍສະຫຼະຊີວິດເພື່ອຊາດຢູ່ແຂວງສະຫວັນນະເຂດ ກັບຄືນບ້ານເກີດເມືອງນອນ, ປະເທດຊາດ; ຢືນຢັນວ່າ ພັກ, ລັດ ແລະປະຊາຊົນລາວບັນດາເຜົ່າ ເວົ້າລວມ ແລະອໍານາດການປົກຄອງ, ປະຊາຊົນແຂວງສະຫວັນນະເຂດ ເວົ້າສະເພາະ ຍາມໃດກໍ່ຮູ້ບຸນຄຸນຕໍ່ວິລະຊົນນັກຮົບທີ່ເສຍສະຫຼະຊີວິດເພື່ອຊາດ ເພື່ອພັນທະສາກົນອັນສູງສົ່ງ; ເພື່ອເອກະລາດ, ເສລີພາບຂອງສອງປະເທດ ລາວ-ຫວຽດນາມ.
ໂດຍ: ຈາງຫງວຽນ