ຈີນ ແລະລັດເຊຍ ຮຽກຮ້ອງມາດຕະການແກ້ໄຂດ້ານການເມືອງໃຫ້ແກ່ການປະທະກັນຢູ່ຕາເວັນອອກກາງ
ໃນສະພາບການປະທະກັນຢູ່ຕາເວັນອອກກາງ ສືບຕໍ່ເພີ່ມຂຶ້ນ, ວັນທີ 5 ເມສາ, ທ່ານ ຫວັງອີ, ລັດຖະມົນຕີການຕ່າງປະເທດຈີນ ໄດ້ມີການສົນທະນາທາງໂທລະສັບກັບທ່ານ Sergei Lavrov ລັດຖະມົນຕີການຕ່າງປະເທດລັດເຊຍ.
ສອງຝ່າຍໄດ້ເນັ້ນໜັກວ່າ ໃນຖານະເປັນຜູ້ປະຈຳການສະພາຄວາມໝັ້ນຄົງສະຫະປະຊາຊາດ, ຈີນ ແລະ ລັດເຊຍ ລ້ວນແຕ່ສະແດງໃຫ້ເຫັນຄວາມຍຸຕິທຳ, ພາວະວິໄສໃນບັນດາບັນຫາທີ່ມີລັກສະນະຫຼັກການ.
ຕາມທ່ານ ຫວັງອີ ແລ້ວ, ໃນສະພາບການປະທະກັນຢູ່ຕາເວັນອອກກາງ ຍັງບໍ່ທັນມີສັນຍານຫຼຸດລົງນັ້ນ, ມາດຕະການແກ້ໄຂພື້ນຖານສຳລັບບັນຫາຄວາມໝັ້ນຄົງໃນການເດີນເຮືອຢູ່ຊ່ອງແຄບທະເລ Hormuz ແມ່ນຕ້ອງບັນລຸໄດ້ຄຳສັ່ງຢຸດຍິງ ແລະຢຸດຕິການປະທະກັນໂດຍໄວ. ທ່ານກໍ່ໃຫ້ຮູ້ວ່າ ປະເທດນີ້ພ້ອມແລ້ວທີ່ຈະສືບຕໍ່ສົມທົບກັບລັດເຊຍ ຢູ່ສະພາຄວາມໝັ້ນຄົງສະຫະປະຊາຊາດ, ຮັກສາການແລກປ່ຽນກ່ຽວກັບບັນດາບັນຫາໃຫຍ່ຢ່າງທັນການ, ປະກອບສ່ວນຫຼຸດຜ່ອນຄວາມເຄັ່ງຕຶງ, ປົກປັກຮັກສາສັນຕິພາບ, ສະຖຽນລະພາບຢູ່ພາກພື້ນ ກໍຄືຄວາມໝັ້ນຄົງລວມຂອງທົ່ວໂລກ.
ສ່ວນຝ່າຍ ລັດເຊຍ, ທ່ານລັດຖະມົນຕີການຕ່າງປະເທດ Sergei Lavrov ຢືນຢັນວ່າ ສະພາຄວາມໝັ້ນຄົງສະຫະປະຊາຊາດຕ້ອງເສີມຂະຫຍາຍບົດບາດທີ່ມີລັກສະນະສ້າງສັນ ແລະ ລັດເຊຍ ພ້ອມແລ້ວທີ່ຈະສົມທົບກັບຈີນ ຢ່າງແໜ້ນແຟ້ນເພື່ອສືບຕໍ່ຊຸກຍູ້ຄວາມມານະພະຍາຍາມຢຸດຍິງ.
ແຫຼ່ງຄັດຈາກ: vovworld.vn