ທ່ານ ຊາຣ ມີແຊວ ປະທານຄະນະມົນຕີເອີຣົບ ໄດ້ສົ່ງໜັງສືເຖິງປະເທດບັນດາຜູ້ນຳສະມາຊິກ ກ່ອນຈັດກອງປະຊຸມດັ່ງກ່າວ ວ່າ: ທະວີບເອີຣົບ ພວມປະເຊີນກັບການຕໍ່ສູ້ກັບພະຍາດໂຄວິດ-19 ລວມທັງການກາຍພັນຂອງເຊື້ອໄວເຮັດໃຫ້ການຕໍ່ສູ້ຂອງພະຍາດຍັງແຜ່ລະບາດເປັນການທ້າທາຍຢ່າງຫລວງຫລາຍ.
ດັ່ງນັ້ນໜ້າທີ່ສຳຄັນທີ່ສຸດໃນຂະນະນີ້ ກໍ່ຄືເລັ່ງຂະບວນການສັກວັກຊິນໃນເອີຣົບ. ກອງປະຊຸມສຸດຍອດໃນຄັ້ງນີ້ຈະມີການ ເຈລະຈາກ່ຽວກັບວິທີການກຳນົດ ແລະການໃຊ້ “ໃບຮັບຮອງວັກຊິນ”. ປັດຈຸບັນ, ຫລາຍປະເທດພວມດຳເນີນຂະບວນການ ປຶກສາຫາລືເພື່ອປະກາດໃຊ້ໃບຮັບຮອງວັກຊິນເພື່ອຢືນຢັນວ່າ: ໄດ້ສັກວັກຊິນແລ້ວ ແລະອາດຈະກາຍເປັນໜັງສືໃນການເດີນທາງທີ່ສາມາດໃຊ້ທົ່ວປະເທດ. ນອກຈາກນັ້ນ, ກອງປະຊຸມສຸດຍອດໃນຄັ້ງນີ້ຍັງຈະປຶກສາຫາລືເຖິງຄວາມໝັ້ນຄົງທາງພາກພື້ນ ແລະບັນຫາສຳຄັນອື່ນໆ.
ຂ່າວ: ຂປລ
Type the code from the image