ອີຢູ ຈັດວາງພາສີລວມມູນຄ່າ 4 ຕື້ USD ເພື່ອໂຕ້ຕອບອາເມລິກາ
ວັນທີ 09 ພະຈິກ, ສະຫະພາບເອີຣົບ (ອີຢູ) ໄດ້ອອກແຈ້ງການທີ່ໃຫ້ຮູ້ວ່າ ນັບແຕ່ວັນທີ 10 ພະຈິກ ເປັນຕົ້ນໄປ, ກຸ່ມນີ້ຈະມີບັນດາມາດຕະການເກັບພາສີໃໝ່ທີ່ມີມູນຄ່າ 4 ຕື້ USD ສຳລັບສິນຄ້າອາເມລິກາ ເພື່ອໂຕ້ຕອບເລື່ອງອາເມລິກາ ຈັດວາງອັດຕາພາສີສູງທີ່ມີມູນຄ່າ 7,5 ຕື້ USD ສຳລັບສິນຄ້າສົ່ງອອກຂອງບັນດາປະເທດອີຢູ.
ຂໍ້ຕົກລົງດັ່ງກ່າວໂດຍທ່ານ Valdis Dombrovkis ຮອງປະທານຄະນະກຳມະການເອີຣົບ ຮັບຜິດຊອບດ້ານການຄ້າປະກາດໃນກອງປະຊຸມຂ່າວໃນວັນທີ 09 ພະຈິກ ຢູ່ ບຣຸກແຊນ ປະເທດ ແບນຊິກ. ຕາມທ່ານ Dombrovkis ແລ້ວ, ອີຢູ ຈຳຕ້ອງຍົກອອກຂໍ້ຕົກລົງທີ່ເປັນໜ້າເສຍດາຍດັ່ງກ່າວພາຍຫຼັງຝ່າຍ ອາເມລິກາ ບໍ່ມີສັນຍານຜ່ອນສັ້ນຜ່ອນຍາວ ແລະ ຢຸດຕິການເກັບພາສີຕໍ່ບັນດາປະເພດສິນຄ້າສົ່ງອອກຂອງອີຢູ.
ເຖິງວ່າໄດ້ປະກາດຈະຈັດວາງພາສີລົງໂທດອາເມລິກາ, ແຕ່ອີຢູ ກໍ່ເຜີຍໃຫ້ຮູ້ວ່າ ກຸ່ມນີ້ຈະຢຸດຕິການໂຕ້ຕອບໃນທັນທີຖ້າ ອາເມລິກາ ຢຸດຕິການຈັດວາງອັດຕາພາສີສູງຕໍ່ບັນດາຜະລິດຕະພັນຂອງອີຢູ.
ແຫຼ່ງຄັດຈາກ: vovworld.vn