ຮັດແໜ້ນສາຍພົວພັນມິດຕະພາບ ຜ່ານບຸນປີໃໝ່ປະຈໍາຊາດຂອງກຳປູເຈຍ, ລາວ, ໄທ ຢູ່ນະຄອນໂຮ່ຈີມິນ
ກປ.ອອນໄລ - ຕອນເຊົ້າວັນທີ 11 ເມສາ, ຢູ່ວັດໂຝມິງ, ນະຄອນໂຮ່ຈິມິນ, ສະຫະພັນບັນດາອົງການມິດຕະພາບນະຄອນ ໂຮ່ຈິມິນ (HUFO) ໄດ້ສົມທົບຄະນະພຸດທະສາສະໜາສາກົນ, ສະມາຄົມພຸດທະສາສະໜາຫວຽດນາມ ນະຄອນ ໂຮ່ຈິມິນ ຈັດຕັ້ງບຸນປີໃໝ່ປະຈໍາຊາດຂອງ ກຳປູເຈຍ - ລາວ - ໄທ.
ບຸນປີໃໝ່ປະຈໍາຊາດຂອງບັນດາປະເທດ ກຳປູເຈຍ, ລາວ, ໄທ ທີ່ນະຄອນໂຮ່ຈິມິນ ໄດ້ຮັບການຈັດຕັ້ງປະຈຳປີ ເຊິ່ງສະແດງໃຫ້ເຫັນນ້ຳໃຈມິດຕະພາບລະຫວ່າງປະຊາຊົນບັນດາປະເທດໃນອາຊຽນ, ປະກອບສ່ວນຊຸກຍູ້ຄວາມເຂົ້າໃຈເຊິ່ງກັນ ແລະກັນ ລະຫວ່າງຫວຽດນາມ ກັບບັນດາປະເທດບ້ານໃກ້ເຮືອງຄຽງໃຫ້ຫຼາຍກວ່າອີກ, ເພີ່ມທະວີການແລກປ່ຽນວັດທະນະທຳ, ການຮ່ວມມືຫຼາຍດ້ານລະຫວ່າງປະຊາຊົນຫວຽດນາມເວົ້າລວມ ກໍ່ຄືປະຊາຊົນນະຄອນໂຮ່ຈິມິນ ເວົ້າສະເພາະກັບບັນດາປະເທດ.
    |
 |
|
ພິທີກໍາພາວະນາຂໍໃຫ້ມີຄວາມສະຫງົບສຸກໃນໂອກາດບຸນປີໃໝ່ຂອງກຳປູເຈຍ, ລາວ ແລະ ໄທ. ພາບ: ສໍານັກຂ່າວສານຫວຽດນາມ |
ສະຫະພັນບັນດາອົງການມິດຕະພາບນະຄອນໂຮ່ຈີມິນ ປາດຖະໜາວ່າ ຜ່ານການວາດພາບຮີດຄອງປະເພນີຂອງບຸນປີໃໝ່, ດ້ວຍບັນດາພິທີກຳອັນສັກກາລະບູຊານັ້ນ ຈະນຳມາເຊິ່ງຄວາມປະທັບໃຈອັນດີງາມ, ຄວາມຊົງຈຳກ່ຽວກັບຈຸດຄວາມງາມຂອງວັດທະນະທຳທີ່ເປັນມູນເຊື້ອ ແລະຄວາມສາມັກຄີມິດຕະພາບຂອງບັນດາປະເທດໃນກຸ່ມອາຊຽນ ໃຫ້ແກ່ປະຊາຄົມຊາວລາວ, ກຳປູເຈຍ, ໄທ ທີ່ພວມດຳລົງຊີວິດຢູ່ນະຄອນ ກໍຄືປະຊາຊົນນະຄອນໂຮ່ຈີມິນ.
ເນື່ອງໃນໂອກາດນີ້, ວັນທີ 12 ເມສາ, ສະຫະພັນບັນດາອົງການມິດຕະພາບນະຄອນໂຮ່ຈິມິນ ກໍ່ຈະຈັັດຕັ້ງການແຂ່ງຂັນກິລາ ໃນໂອກາດບຸນປີໃໝ່ ກຳປູເຈຍ - ລາວ ປີ 2026 ສະຫງວນໃຫ້ບັນດານັກສຶກສາ ແລະປະຊາຄົມຊາວ ກຳປູເຈຍ - ລາວ ທີ່ພວມດຳລົງຊີວິດ, ຮ່ຳຮຽນ, ເຮັດວຽກຢູ່ນະຄອນ ໂຮ່ຈີມິນ.
ໂດຍ: ທູຈາງ