ກຳປູເຈຍ ສະເຫຼີມສະຫຼອງວັນໄຊຊະນະ ວັນທີ 7 ມັງກອນ, ເນັ້ນໜັກເຖິງການຊ່ວຍເຫຼືອອັນໃຫຍ່ຫຼວງຂອງຫວຽດນາມ
ກປ.ອອນໄລ - ວັນທີ 7 ມັງກອນ, ເນື່ອງໃນໂອກາດສະເຫຼີມສະຫຼອງ 47 ປີແຫ່ງວັນໄຊຊະນະ (7-1-1979 / 7-1-2026), ທ່ານ Hun Sen ປະທານສະພາສູງ, ປະທານພັກປະຊາຊົນກຳປູເຈຍ ໄດ້ສົ່ງສານພິເສດເຖິງພະສົງ ແລະປະຊາຊົນກຳປູເຈຍ.
    |
 |
|
ທ່ານ Hun Sen ປະທານສະພາສູງ, ປະທານພັກປະຊາຊົນກຳປູເຈຍ. ພາບ: ສໍານັກຂ່າວສານຫວຽດນາມ |
ທ່ານ Hun Sen ໃຫ້ຮູ້ວ່າ, ວັນສະເຫຼີມສະຫຼອງໄຊຊະນະວັນທີ 7 ມັງກອນ ຄົບຮອບ 47 ປີ ແມ່ນວັນປະຫວັດສາດ, ຕິດພັນກັບເຫດການໂຄ່ນລົ້ມລະບອບດັບສູນເຊື້ອຊາດ Pol Pot, ກອບກູ້ເອົາຊີວິດ ແລະຟື້ນຟູຊົນຊາດ ແລະປະຊາຊົນກຳປູເຈຍ, ເປີດສັງກາດໃໝ່ໃຫ້ແກ່ປະເທດ: ສັງກາດແຫ່ງເອກະລາດ, ເສລີພາບ, ປະຊາທິປະໄຕ, ຄວາມກ້າວໜ້າທາງສັງຄົມ.
ທ່ານ Hun Sen ເນັ້ນໜັກວ່າ: “ຜ່ານເຫດການປະຫວັດສາດນີ້, ພວກເຮົາຈະລະນຶກເຖິງຄຸນງາມຄວາມດີອັນໃຫຍ່ຫຼວງຂອງບັນດານັກຮົບວິລະຊົນຂອງແນວໂຮມສາມັກຄີກູ້ຊາດກຳປູເຈຍ ຕະຫຼອດການ, ພ້ອມກັບການຊ່ວຍເຫຼືອ, ໜູນຊ່ວຍອັນໃຫຍ່ຫຼວງຂອງທະຫານອາສາສະໝັກຫວຽດນາມ ໃນການຕໍ່ສູ້ໂຄ່ນລົ້ມລະບອບໂຫດຫ້ຽມນີ້”.
ໃນບົດນໍາດ້ວຍຫົວຂໍ້ດຽວກັນ ສະບັບອອກວັນທີ 7 ມັງກອນ, ສຳນັກຂ່າວສານກຳປູເຈຍ (AKP) ໃຫ້ຮູ້ວ່າ, ເຖິງວ່າ ເຫດການສະເຫຼີມສະຫຼອງວັນໄຊຊະນະວັນທີ 7 ມັງກອນປີນີ້ ບໍ່ຈັດຕັ້ງຢ່າງສົດກຽດ, ແຕ່ວ່າວັນນີ້ຍັງຄົງແມ່ນວັນເກີດທີ 2 ຂອງປະຊາຊົນກຳປູເຈຍ ແລະແມ່ນວັນປະຫວັດສາດທີ່ບໍ່ສາມາດຫຼົງລືມໄດ້.
ໂດຍ: ທູຈາງ