ທີ່ການຕ້ອນຮັບ, ທ່ານ ເລຮວ່າຍຈູງ ຕີລາຄາສູງບົດບາດທີ່ຕັ້ງໜ້າ ແລະການປະກອບສ່ວນອັນສໍາຄັນຂອງທ່ານ Kao Kim Hourn ແລະກອງເລຂາອາຊຽນ ຕໍ່ກັບວຽກງານລວມຂອງອາຊຽນ, ກໍ່ຄືການໜູນຊ່ວຍ ແລະການຮ່ວມມື ເຊິ່ງ ທ່ານ Kao Kim Hourn ແລະກອງເລຂາອາຊຽນ ສະຫງວນໃຫ້ຫວຽດນາມ ໃນໄລຍະຜ່ານມາ.

leftcenterrightdel
ທ່ານ ເລຮວ່າຍຈູງ ຕ້ອນຮັບທ່ານ Kao Kim Hourn ເລຂາທິການໃຫຍ່ອາຊຽນ. ພາບ: ໜັງສຶພິມໂລກ ແລະຫວຽດນາມ

ທ່ານ ເລຮວ່າຍຈູງ ກໍ່ແບ່ງປັນຄວາມສໍາຄັນຂອງການເພີ່ມທະວີການຮ່ວມມືດ້ານເສດຖະກິດ, ການຄ້າ, ການລົງທຶນ, ການເຊື່ອມຕໍ່ຜ່ານການປະຕິບັດ ແລະຂຸດຄົ້ນບັນດາຂໍ້ຕົກລົງພາກພື້ນ ຄື ສັນຍາການຄ້າສິນຄ້າອາຊຽນ (ATIGA), ເຄືອຂ່າຍໄຟຟ້າອາຊຽນ (APG) ຢ່າງມີປະສິດທິຜົນ...

ເນື່ອງໃນໂອກາດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກກອມມູນິດຫວຽດາມ ຈະດໍາເນີນໃນລະຫວ່າງວັນທີ 19-25 ມັງກອນ, ທ່ານ ເລຮວ່າຍຈູງ ໄດ້ແບ່ງປັນບົນພື້ນຖານການຕີລາຄາ ແລະສະຫຼຸບ 40 ປີແຫ່ງການປ່ຽນແປງໃໝ່, ກອງປະຊຸມໃຫຍ່ ຄັ້ງທີ XIV ຂອງພັກ ຈະວາງອອກບັນດາເປົ້າໝາຍ ແລະກໍານົດທິດທາງພັດທະນາຮອບດ້ານໃຫ້ແກ່ຫວຽດນາມ ໃນສັງກາດໃໝ່. ທ່ານ ເລຮວ່າຍຈູງ ກໍ່ຢືນຢັນວ່າ ຫວຽດນາມ ຈະສືບຕໍ່ແນວທາງການທູດເອກະລາດ, ເປັນເຈົ້າຕົນເອງ, ສັນຕິພາບ, ມິດຕະພາບ, ການຮ່ວມມື ແລະພັດທະນາ, ຫັນການພົວພັນສາກົນເປັນຫຼາຍຝ່າຍ, ຫຼາຍຮູບຫຼາຍແບບ ແລະອາຊຽນ ຍາມໃດກໍ່ມີທີ່ຕັ້ງ ແລະບົດບາດຍຸດທະສາດສໍາຄັນໃນນະໂຍບາຍການຕ່າງປະເທດຂອງຫວຽດນາມ.

leftcenterrightdel
ບັນຍາກາດທີ່ການຕ້ອນຮັບ. ພາບ: baoquocte.vn

ສ່ວນທ່ານ Kao Kim Hourn ຊົມເຊີຍ ແລະສະແດງຄວາມເຊື່ອໝັ້ນວ່າ ພັກກອມມູນິດຫວຽດນາມ ຈະຈັດຕັ້ງສໍາເລັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກ, ປະກອບສ່ວນສໍາຄັນເຂົ້າໃນພາລະກິດສ້າງສາ ແລະພັດທະນາປະເທດ, ປະກອບສ່ວນເພີ່ມທະວີບົດບາດ, ທີ່ຕັ້ງຂອງຫວຽດນາມ ໃນພາກພື້ນ ແລະສາກົນໃຫ້ຫຼາຍກວ່າອີກ.

ທ່ານເລຂາທິການໃຫຍ່ອາຊຽນ ກໍ່ສະແດງຄວາມຂອບໃຈ ແລະຢືນຢັນວ່າ ຈະເຂົ້າຮ່ວມເວທີອະນາຄົດອາຊຽນ (AFF) ຄັ້ງທີ 3 ເຊິ່ງ ຄາດວ່າຈະໄດ້ຈັດຕັ້ງໃນປີ 2026. ທ່ານ Kao Kim Hourn ກໍ່ແບ່ງປັນການຕີລາຄາສູງກ່ຽວກັບຫົວຂໍ້ “ພ້ອມກັນກໍານົດອະນາຄົດລວມ: ສັນຕິພາບ, ວັດທະນາຖາວອນ, ຖືປະຊາຊົນເປັນໃຈກາງ” ຂອງເວທີ, ແລະເຊື່ອໝັ້ນວ່າ ເວທີ ຈະຊ່ວຍໃຫ້ບັນດາປະເທດອາຊຽນ ໃນວິວັດການປະຕິບັດວິໄສທັດປະຊາຄົມອາຊຽນ 2045 ແລະແຜນການຍຸດທະສາດຕ່າງໆ ອີກດ້ວຍ.

ໂດຍ: ໄຊນີດາ