ສ້າງເຄືອຂ່າຍຮ່ວມມືຢ່າງແໜ້ນແຟ້ນລະຫວ່າງສະມາຊິກລັດຖະສະພາໜຸ່ມຂອງອາຊຽນ
ກປ.ອອນໄລ - ຕອນເຊົ້າວັນທີ 25 ສິງຫາ, ຢູ່ຫໍສະພາແຫ່ງຊາດ ໄດ້ດຳເນີນເຫດການ “AIPA Roadshow ຢູ່ ຫວຽດນາມ” ໂດຍຄະນະກໍາມາທິການປ້ອງກັນຊາດ, ປ້ອງກັນຄວາມສະຫງົບ ແລະການພົວພັນຕ່າງປະເທດ, ຄະນະປະຈໍາການກຸ່ມສະມາຊິກສະພາແຫ່ງຊາດໜຸ່ມຫວຽດນາມ, ຊຸດທີ XV ສົມທົບກັບຄະນະເລຂາທິການສະມັດຊາໃຫຍ່ລັດຖະສະພາລະຫວ່າງຊາດອາຊຽນ (AIPA) ຈັດຕັ້ງ.
ເຂົ້າຮ່ວມເຫດການດັ່ງກ່າວມີ: ທ່ານ ຫງວຽນແອງຕວ໊ນ ກຳມະການສູນກາງພັກ, ຮອງຫົວໜ້າຄະນະນະໂຍບາຍ, ຍຸດທະສາດສູນກາງ, ປະທານກຸ່ມສະມາຊິກສະພາແຫ່ງຊາດໜຸ່ມ; ທ່ານ Siti Rozaimeriyanty Dato Haji Abdul Rahman ເລຂາທິການໃຫຍ່ AIPA.
ນີ້ແມ່ນຄັ້ງທຳອິດທີ່ AIPA Roadshow ໄດ້ຈັດຂຶ້ນຢູ່ຫວຽດນາມ. ຜ່ານການເຄື່ອນໄຫວສົນທະນາ, ພົບປະແລກປ່ຽນ ແລະແບ່ງປັນກັບໄວໜຸ່ມ, AIPA Roadshow ປະກອບສ່ວນແຜ່ຂະຫຍາຍສານກ່ຽວກັບບົດບາດຂອງ AIPA ໃນການຊຸກຍູ້ການຮ່ວມມືໃນພາກພື້ນບົນພື້ນຖານການທູດລັດຖະສະພາ; ພ້ອມກັນນັ້ນ, ຊ່ວຍສ້າງພື້ນຖານຄວາມເຂົ້າໃຈກ່ຽວກັບການເຄື່ອນໄຫວຂອງສະມາຊິກລັດຖະສະພາໜຸ່ມ AIPA, ຊຸກຍູ້ການເຊື່ອມຕໍ່ລະຫວ່າງຊາວໜຸ່ມບັນດາປະເທດໃນພາກພື້ນ.
    |
 |
|
ບັນດາຜູ້ແທນເຂົ້າຮ່ວມເຫດການ AIPA Roadshow ຢູ່ຫວຽດນາມ. ພາບ: ໂຮ່ລອງ |
ການຈັດຕັ້ງການເຄື່ອນໄຫວ AIPA Roadshow ແນໃສ່ສະແດງໃຫ້ເຫັນການເຂົ້າຮ່ວມຢ່າງຕັ້ງໜ້າ, ເປັນເຈົ້າການ ແລະມີຄວາມຮັບຜິດຊອບຂອງສະພາແຫ່ງຊາດຫວຽດນາມ ເວົ້າລວມ ແລະບັນດາສະມາຊິກສະພາແຫ່ງຊາດໜຸ່ມເວົ້າສະເພາະ ໃນການຊຸກຍູ້ການເຂົ້າຮ່ວມຂອງຊາວໜຸ່ມໃນບັນດາຂໍ້ລິເລີ່ມ ແລະຄວາມສົນໃຈລວມຂອງອາຊຽນ; ປະກອບສ່ວນຍົກສູງຄວາມເຂົ້າໃຈ ແລະຄວາມຮັບຮູ້ຂອງຊາວໜຸ່ມຫວຽດນາມ ກ່ຽວກັບບັນດາການເຄື່ອນໄຫວຂອງ AIPA ແລະບົດບາດຂອງສະມາຊິກລັດຖະສະພາໜຸ່ມ AIPA ໃນການເຄື່ອນໄຫວການທູດລັດຖະສະພາ.
ໂດຍ: ທູຈາງ