ວັນທີ 17 ສິງຫາ, ກະຊວງປ້ອງກັນປະເທດ ກຳປູເຈຍ ໃຫ້ຮູ້ວ່າ ບັນດາຄວາມຄືບໜ້າບັນລຸໄດ້ທີ່ກອງປະຊຸມວິສາມັນຄະນະກຳມະການຊາຍແດນກັບ ໄທ (RBC) ຈັດຂຶ້ນໃນວັນທີ 16 ສິງຫາ ໄດ້ປັບປຸງຄຳສັ່ງຢຸດຍິງ ແລະນຳມາເຊິ່ງຄວາມຫວັງວ່າ ຄວາມມີສະຖຽນລະພາບຈະກັບຄືນເຂດລຽບຕາມຊາຍແດນຄືນໃໝ່. ກ່າວຄຳເຫັນທີ່ກອງປະຊຸມຖະແຫຼງຂ່າວ, ທ່ານນາງ Maly Socheata ໂຄສົກກະຊວງປ້ອງກັນປະເທດ ກຳປູເຈຍ ຖືວ່າ ໝາກຜົນກອງປະຊຸມຂອງ (RBC) ແມ່ນ “ບາດກ້າວເດີນອັນຕັ້ງໜ້າ” ແລະວິວັດການນີ້ພວມມີຄວາມຄືບໜ້າດ້ວຍ “ຄວາມປະເອີບໃຈ ແລະຄວາມຫວັງ” ມຸ່ງໄປເຖິງການຟື້ນຟູສະພາບການເປັນປົກກະຕິຢູ່ເຂດຊາຍແດນ. ທ່ານນາງ Socheata ຍັງໄດ້ເຕື້ອງເຖິງຄຳປາໄສຂອງທ່ານ Hun Manet ນາຍົກລັດຖະມົນຕີກຳປູເຈຍ ເມື່ອວັນທີ 16 ສິງຫາ, ໃນນັ້ນທ່ານຊົມເຊີຍໝາກຜົນຂອງກອງປະຊຸມ ຄືດັ່ງກຳລັງໜູນສຳຄັນໃຫ້ແກ່ການປະຕິບັດຄຳສັ່ງຢຸດຍິງ ແລະແມ່ນສັນຍານໃຫ້ເຫັນວ່າ ຄວາມເຄັ່ງຕຶງອາດຈະຫລຸດລົງກວ່າອີກ.
ແຫຼ່ງຄັດຈາກ: vovworld.vn
Type the code from the image