leftcenterrightdel
ບັນຍາກາດທີ່ການພົບປະລະຫວ່າງທ່ານນາງ Puangpet Chunlaiad  ແລະທ່ານ ຫງວຽນແມ້ງຮຸ່ງ ໃນຂອບເຂດກອງປະຊຸມລັດຖະມົນຕີຖະແຫຼງຂ່າວອາຊຽນຄັ້ງທີ 16. ພາບ: ສໍານັກຂ່າວສານຫວຽດນາມ.

ຂໍ້ມູນຂ່າວສານຈາກກົມປະຊາສຳພັນໄທ (PRD) ຊີ້ແຈ້ງວ່າ ໃນຂອບເຂດກອງປະຊຸມ, ທ່ານນາງລັດຖະມົນຕີ Puangpet Chunlaiad ໄດ້ມີການພົບປະກັບທ່ານ ຫງວຽນແມ້ງຮຸ່ງ ລັດຖະມົນຕີກະຊວງຖະແຫຼງຂ່າວ ແລະສື່ສານຫວຽດນາມ ເພື່ອຊອກຮູ້ຂໍ້ລິເລີ່ມຕ້ານຂ່າວປອມຂອງຫວຽດນາມ. ທ່ານນາງລັດຖະມົນຕີ Puangpet Chunlaiad ໄດ້ຕີລາຄາສູງຕໍ່ເລື່ອງ ຫວຽດນາມ ໄດ້ສ້າງຕັ້ງຄະນະກຳມະການຕ້ານຂ່າວປອມໃນເຄືອຂ່າຍສັງຄົມ. ຕາມທ່ານນາງລັດຖະມົນຕີ Puangpet Chunlaiad ແລ້ວ, ໄທ ສະໜັບສະໜູນຫຼັກການຄຸ້ມຄອງຂໍ້ມູນຂ່າວສານຂອງລັດຖະບານໃນການຕ້ານຂ່າວປອມ ແລະຂໍ້ມູນຂ່າວທີ່ຜິດພາດ, ຂ່າວບໍ່ມີມູນຄວາມຈິງໃນພາຫະນະການສື່ສານ, ຄືດັ່ງທີ່ໄດ້ຮັບຮອງເອົາໃນກອງປະຊຸມ AMRI ຄັ້ງທີ 16. ທ່ານນາງ ໃຫ້ຮູ້ວ່າ ລັດຖະມົນຕີຫ້ອງວ່າການນາຍົກລັດຖະມົນຕີໄທ ແລະລັດຖະມົນຕີກະຊວງຖະແຫຼງຂ່າວ ແລະສື່ສານຫວຽດນາມ ລ້ວນແຕ່ເຫັນດີເປັນເອກະພາບວ່າ ຈັນຍາບັນຂອງສື່ມວນຊົນແມ່ນກະແຈເພື່ອຮັບປະກັນຄວາມເຊື່ອໝັ້ນຂອງຂ່າວສານ.

ໂດຍ: ຈາງຫງວຽນ