leftcenterrightdel
IEA, IMF ແລະ WB ກ່າວ​ເຕືອນ ອາການ​ຊ໊ອກ​ດ້ານ​ພະ​ລັງ​ງານ ແລະເສດ​ຖະ​ກິດ​ທົ່ວ​ໂລກ. ພາບປະກອບ: Reuters

ວັນ​ທີ 13 ເມ​ສາ, ການ​ນຳ​ອົງ​ການ​ພະ​ລັງ​ງານ​ສາ​ກົນ (IEA), ກອງ​ທຶນ​ງານ​ຕາ​ສາ​ກົນ (IMF) ແລະທະ​ນາ​ຄານ​ໂລກ (WB) ໄດ້​ອອກ​ຖະ​ແຫຼງ​ການ​ຮ່ວມ​ກ່າວ​ເຕືອນ​ວ່າ​ການ​ປະ​ທະ​ກັນ​ຢູ່​ພາກ​ພື້ນ​ຕາ​ເວັນ​ອອກ​ກາງ ພວມ​ກໍ່​ໃຫ້​ເກີດ​ອາ​ການ​ຊ໊ອກ​ໃຫຍ່ ແລະ ບໍ່​ສ​ະ​ໝ່ຳ​ສະເໝີ​ຕໍ່​ເສດ​ຖະ​ກິດ​ທົ່ວ​ໂລກ, ດ້ວຍ​​ການກະ​ທົບ​ຢ່າງ​ຮ້າຍ​ແຮງ​ທີ່​ສຸດ ຕໍ່​ບັນ​ດາ​ປະ​ເທດ​ທີ່​ມີ​ລາຍ​ຮັບ​ຕ່ຳ ແລະບັນ​ດາ​ປະ​ເທດ​ເພິ່ງ​ພາ​ຕໍ່​ການ​ນຳ​ເຂົ້າ​ພະ​ລັງ​ງານ. ສາມ​ອົງ​ການ​ນີ້ໃຫ້​ຮູ້​ວ່າ ​ການ​ປະ​ທະ​ກັນ​ໄດ້​ເປັນ​ການ​ກະ​ທົບ​ໃຫຍ່, ມີ​ລັກ​ສະ​ນະ​ທົ່ວ​ໂລກ ແລະຂາດ​ຄວາມ​ສົມ​ສ່ວນ, ​ສົ່ງ​ຜົນ​ສະ​ທ້ອນ​​ໜັກ​ໜ່ວງ​ທີ່​ສຸດ​​ເຖິງ​ບັນ​ດາ​ປະ​ເທດ​ນຳ​ເຂົ້າ​ພະ​ລັງ​ງານ, ພິ​ເສດ​ແມ່ນ​ບັນ​ດາ​ພື້ນ​ຖານ​ເສດ​ຖະ​ກິດ​ມີ​ລາຍ​ຮັບ​ຕ່ຳ. ​ອາການ​ຊ໊ອກ​ນີ້ເຮັດ​ໃຫ້​​ລາຄາ​ນ້ຳ​ມັນ, ອາຍ​ແກັດ ແລະ ປຸ໋ຍ​ເພີ່ມ​ຂຶ້ນ​ສູງ, ອັນ​ໄດ້​ກໍ່​ຄວາມ​ວິ​ຕົກ​ກັງ​ວົນ​​ຕໍ່ຄວາມ​ໝັ້ນ​ຄົງ​ດ້ານອາ​ຫານ ແລະ ຄວາມ​ສ່ຽງ​ບໍ່​ມີ​ວຽກ​ເຮັດ​ງານ​ທຳ.

ແຫຼ່ງຄັັດຈາກ: vovworld.vn