ອີຢູ ຄັດຄ້ານແນວຄວາມຄິດເກັບຄ່າທໍານຽມຜ່ານຊ່ອງແຄບທະເລ Hormuz
ເມື່ອກ່າວຄໍາເຫັນໃນກອງປະຊຸມຖະແຫຼງຂ່າວຢູ່ ບຣຸກແຊັນ (ແບນຊິກ), ວັນທີ 9 ເມສາ, ໂຄສົກຂອງຄະນະກຳມະການເອີຣົບ (EC), ທ່ານ Anouar El Anouni ໄດ້ຍົກອອກຂໍ້ອ້າງດ້ານກົດໝາຍສາກົນກ່ຽວກັບສິດເສລີໃນການເດີນທະເລ ເພື່ອແນໃສ່ຄັດຄ້ານແນວຄວາມຄິດຂອງ ອີຣານ ທີ່ຈະເກັບຄ່າທໍານຽມເມື່ອຜ່ານຊ່ອງແຄບທະເລ Hormuz.
ຕາມນັ້ນແລ້ວ, “ກົດໝາຍສາກົນກຳນົດສິດເສລີໃນການເດີນເຮືອ, ໝາຍຄວາມວ່າໂດຍພື້ນຖານ ຈະບໍ່ເກັບບໍ່ວ່າຄ່າທຳນຽມໃດໆທັງນັ້ນ”. ທ່ານ Anouar El Anouni ກໍຊີ້ແຈ້ງສິດເສລີໃນການເດີນເຮືອແມ່ນ “ຜົນປະໂຫຍດທາງສາທາລະນະທີ່ຕ້ອງໄດ້ຮັບການຮັບປະກັນ”.
    |
 |
|
ປັດຈຸບັນ ມີກໍາປັ່ນປະມານກວ່າ 800 ລຳ ຖືກຕິດຄ້າງຢູ່ຊ່ອງແຄບທະເລ Hormuz. ພາບ: Anadolu Agency/TTXVN |
ເລື່ອງເປີດປະຕູເສັ້ນທາງທະເລສຳຄັນຜ່ານຊ່ອງແຄບທະເລ Hormuz ແມ່ນສາເຫດຕົ້ນຕໍກໍ່ໃຫ້ເກີດການໂຕ້ຖຽງກັນກ່ອນເວລາດຳເນີນບັນດາຮອບເຈລະຈາລະຫວ່າງ ອາເມລິກາ ແລະອີຣານ ທີ່ຄາດວ່າຈະເລີ່ມຕົ້ນໃນວັນທີ 10 ເມສາ ຢູ່ປາກິດສະຖານ.
ຜ່ານຂໍ້ມູນຕິດຕາມກວດກາການເດີນເຮືອນ ກໍຊີ້ໃຫ້ເຫັນວ່າ ຊ່ອງແຄບທະເລ Hormuz ຍັງບໍ່ທັນໄດ້ເປີດປະຕູຄືນຢ່າງແທ້ຈິງພາຍຫຼັງທີ່ຂໍ້ຕົກລົງຢຸດຍິງລະຫວ່າງ ອາເມລິກາ ແລະອີຣານ ມີຜົນສັກສິດ. ປັດຈຸບັນ ມີກໍາປັ່ນປະມານກວ່າ 800 ລຳ ຖືກຕິດຄ້າງຢູ່ຊ່ອງແຄບທະເລ Hormuz.
ແຫຼ່ງຄັດຈາກ: vovworld.vn