ຄໍາຖະ​ແຫຼງ​ດັ່ງ​ກ່າວໂດຍ​ທ່ານ​ເຈົ້າ​ຂອງ​ທຳ​ນຽບ​ຂາ​ວ​ຍົກ​ອອກ​ມາ​ໃນ​ສະ​ພາບ​ການ​​ທີ່ນັບ​ມື້​ນັບ​ມີ​ຄວາມ​ວິ​ຕົກ​ກັງ​ວົນຫຼາຍ​​ຂຶ້ນວ່າສົງ​ຄາມ​ນີ້​ຈະ​ສົ່ງ​ຜົນ​ກະ​ທົບ​ຕໍ່​ລາ​ຄາ​ນໍ້າ​ມັນ ແລະໄພ​ເງິນ​ເຟີ້.

ໃນ​ການ​ຖະ​ແຫຼງ​ຂ່າວ​ຢູ່​ທຳ​ນຽບ​ຂາວ, ເມື່ອໃຫ້​ສຳ​ພາດ​ຕໍ່​ນັກ​ຂ່າວ​ກ່ຽວ​ກັບ​ແຜນ​ການ​ຫຼຸດ​ລາ​ຄາ​ນໍ້າ​ມັນ​​ທີ່ພວມ​ຢູ່​ໃນ​ລະ​ດັບ​ສູງຍ້ອນ​ການ​ປະ​ທະ​ກັນ​ຂອງ ອາ​ເມ​ລິ​ກາ, ອິດ​ສະ​ຣາ​ແອັນ ແລະອີ​ຣານ ໄດ້​ກ້າວ​ເຂົ້າ​ສູ່​ເດືອນ​ທີ 2, ທ່ານ​ປະ​ທາ​ນາ​ທິ​ບໍ​ດີ Donald Trump ຊີ້​ແຈ້ງວ່າ: “ໝົດ​ທຸກ​ຢ່າງ​ທີ່​ຂ້າ​ພະ​ເຈົ້າ​ຕ້ອງ​ເຮັດແມ່ນ​ຖອນ​ອອກ​ຈາກ ອີ​ຣານ ແລະພວກ​ຂ້າ​ພະ​ເຈົ້າ ຈະ​ເຮັດ​ສິ່ງ​ເຫຼົ່າ​ນັ້ນ​ໃນ​ໄລ​ຍະ​ເວ​ລາ​ໄວ​ທີ່​ສຸດ”. ເຈົ້າ​ຂອງ​ທຳ​ນຽ​ບ​ຂາວ​ໃຫ້​ຂໍ້​ສັ​ງ​ເກດ​ວ່າ ເລື່ອງ​ຖອນ​ກຳ​ລັງຈະ​ດຳ​ເນີນ​ພາຍ​ໃນ​​ເວ​ລາ 2-3 ອາ​ທິດ​ຈະ​ມາ​ເຖິງ ແລະ​ລ​າ​ຄາ​ນໍ້າ​ມັນ​ຈະຫຼຸດ​ລົງ​ຢ່າງ​ແຮງ.

ເມື່ອ​ຖືກ​ຖາມ​ວ່າ ອີ​ຣານ ຈະ​ຕ້ອງ​ບັນ​ລຸ​ໄດ້​ຂໍ້​ຕົກ​ລົງ​ເພື່ອ​ໃຫ້ອາ​ເມ​ລິ​ກາ ຢຸດ​ຕິ​ບັ້ນ​ການ​ທະ​ຫານ​ດັ່ງ​ກ່າວຫຼື​ບໍ່​ນັ້ນ, ທ່ານ​ປະ​ທາ​ນາ​ທິ​ບໍ​ດີ Donald Trump ຢັ້ງ​ຢືນ​ວ່າ ອາ​ເມ​ລິ​ກາ ຈະ​ຖອນ​ກຳ​ລັງ​ກໍ​ຕໍ່​ເມື່ອ​ຕີ​ລາ​ຄາ​ເຫັນ​ວ່າ ອີ​ຣານ ບໍ່​​ອາດ​ສາ​ມາດ​ພັດ​ທະ​ນາອ​າ​ວຸດ​ນິວ​ເຄຼຍ​ໄດ້​ອີກ, ບໍ່​ວ່າຈະບັນ​ລຸ​ໄດ້​ຂໍ້​ຕົກ​ລົງ ​ຫຼື​ບໍ່.

ແຫຼ່ງຄັດຈາກ: vovworld.vn