EU ແລະ GCC ຮຽກຮ້ອງໃຫ້ດຳເນີນເຈລະຈາເພື່ອແກ້ໄຂວິກິດການ
ສະຫະພາບເອີຣົບ (EU) ແລະສະພາຮ່ວມມືເຂດອ່າວ (GCC) ຮຽກຮ້ອງໃຫ້ຊຸກຍູ້ການເຈລະຈາ ແລະບັນດາຄວາມມານະພະຍາຍາມທາງການທູດແນໃສ່ແກ້ໄຂວິກິດການທີ່ພວມເພີ່ມຂຶ້ນຢູ່ຕາເວັນອອກກາງ, ພ້ອມທັງເນັ້ນໜັກເຖິງຄວາມສຳຄັນຂອງການຮັກສາສະຖຽນລະພາບຢູ່ພາກພື້ນ.
ຖະແຫຼງການຮ່ວມດັ່ງກ່າວໄດ້ຍົກອອກມາໃນກອງປະຊຸມວິສາມັນທີ່ດຳເນີນໃນວັນທີ 05 ມີນາ, ລະຫວ່າງບັນດາລັດຖະມົນຕີການຕ່າງປະເທດ EU ແລະ GCC ຢູ່ ບຣຸກແຊນ, ປະເທດ ແບນຊິກ. ສອງຝ່າຍກໍຮຽກຮ້ອງໃຫ້ປົກປ້ອງສາມັນຊົນ ແລະ ເຄົາລົບກົດໝາຍສາກົນ ກໍຄືກົດໝາຍວ່າດ້ວຍມະນຸດສະທຳສາກົນທັງໝົດທີ່ສອດຄ່ອງກັບບັນດາຫຼັກການຂອງກົດບັດ ສປຊ.
ຖະແຫຼງການກໍຢັ້ງຢືນຄຳໝັ້ນສັນຍາຂອງບັນດາປະເທດສະມາຊິກ GCC ວ່າ ເຂດແດນດິນຂອງເຂົາເຈົ້າຈະບໍ່ຖືກນຳໃຊ້ເພື່ອເປັນແປ້ນຢັນດຳເນີນບັນດາບັ້ນບຸກໂຈມຕີເລັ່ງໃສ່ ອີຣານ.
ແຫຼ່ງຄັດຈາກ: vovworld.vn