ມາເລເຊຍ ມານະພະຍາຍາມຊອກຫາເຮືອບິນ MH370 ຢູ່ມະຫາສະໝຸດອິນເດຍ ຄືນໃໝ່
ວັນທີ 31 ທັນວາ, ວົງການເຈົ້າໜ້າທີ່ມາເລເຊຍ ໄດ້ແຈ້ງໃຫ້ຊາບວ່າ ການຊອກຫາເຮືອບິນ MH370 ຂອງບໍລິສັດການບິນ Malaysia Airlines ໄດ້ເລີ່ມດຳເນີນຢ່າງເປັນທາງການຢູ່ມະຫາສະໝຸດອິນເດຍ, ຟື້ນຟູບັນດາຄວາມມານະພະຍາຍາມແກ້ໄຂໜຶ່ງໃນບັນດາເຫດການລີ້ລັບທີ່ສຸດຂອງຂະແໜງການບິນ ພາຍຫຼັງ 1 ທົດສະວັດທີ່ເຮືອບິນຫາຍສາບສູນພ້ອມກັບຜູ້ໂດຍສານ 239 ຄົນ.
ກະຊວງຄົມມະນາຄົມຂົນສົ່ງມາເລເຊຍ ໃຫ້ຮູ້ວ່າ ກໍາປັ່ນຊອກຫາ Armada 8605 ໄດ້ໄປຍັງເຂດຊອກຫາທີ່ໄດ້ກຳນົດພິກັດ ດ້ວຍ 2 ພາຫະນະບໍ່ມີຄົນຂັບ. ເຂດຊອກຫາຍັງບໍ່ທັນໄດ້ເຜີຍເທື່ອແຕ່ຖະແຫຼງວ່າໄດ້ກະກຽມກໍາປັ່ນໃຫ້ແກ່ການຊອກຫາຢູ່ທ່າກຳປັ່ນ Fremantle ທາງທິດຕາເວັນຕົກອົດສະຕາລີ.
ເຮືອບິນໝາຍເລກ MH370 ຂາດການຕິດຕໍ່ໃນວັນທີ 8 ມີນາ 2014 ພ້ອມກັບຜູ້ໂດຍສານ, ຈຸບິນ 239 ຄົນ, ເຊິ່ງຄາດວ່າ ຕົກຢູ່ທາງທິດໃຕ້ມະຫາສະໝຸດອິນເດຍ.
ແຫຼ່ງຄັດຈາກ: vovworld.vn