ລັດເຊຍ ຮຽກຮ້ອງໃຫ້ລະງັບໃຈຫຼຸດຜ່ອນຄວາມເຄັ່ງຕຶງ ຢູ່ຕາເວັນອອກກາງ
ວັນທີ 30 ທັນວາ, ທ່ານ Dmitry Peskov ໂຄສົກວັງ Kremlin ໃຫ້ຮູ້ວ່າ ລັດເຊຍ ຈະສືບຕໍ່ຕິດຕໍ່ກັບບັນດາຝ່າຍທີ່ກ່ຽວຂ້ອງທັງໝົດຢູ່ຕາເວັນອອກກາງ ແລະ ຮຽກຮ້ອງບັນດາຝ່າຍຈົ່ງລະງັບໃຈໃນທຸກບາດກ້າວທີ່ອາດຈະເຮັດໃຫ້ເພີ່ມຄວາມເຄັ່ງຕຶງໃນພາກພື້ນ.
    |
 |
|
ທ່ານ Dmitry Peskov ໂຄສົກວັງ Kremlin. ພາບ: REUTERS |
ຕາມທ່ານ Peskov ແລ້ວ, ເພື່ອລະງັບໃຈບໍ່ໃຫ້ເພີ່ມຄວາມເຄັ່ງຕຶງຢູ່ພາກພື້ນຕາເວັນອອກກາງນັ້ນ, ກ່ອນອື່ນໝົດ ຕ້ອງສົນທະນາກັບອີຣານ. ທ່ານ ເນັ້ນໜັກວ່າ ລັດເຊຍ ຈະສືບຕໍ່ພັດທະນາສາຍພົວພັນອັນດີງາມ ແລະມີລັກສະນະສ້າງສັນກັບອີຣານ, ຜ່ານນັ້ນກໍ່ປະກອບສ່ວນຫຼຸດຜ່ອນຄວາມເຄັ່ງຕຶງຢູ່ພາກພື້ນດັ່ງກ່າວ.
ເມື່ອກ່າວຄຳເຫັນໃນການຖະແຫຼງຂ່າວກ່ອນນັ້ນໜຶ່ງວັນ, ທ່ານ Esmaeil Baghaei ໂຄສົກກະຊວງການຕ່າງປະເທດອີຣານ ກໍຢັ້ງຢືນວ່າປະເທດນີ້ຈະບໍ່ມີວັນຍົກເລີກການທູດ ແລະສືບຕໍ່ຖືນີ້ແມ່ນມາດຕະການສຳຄັນ ເພື່ອຊຸກຍູ້ຜົນປະໂຫຍດແຫ່ງຊາດໃນບັນດາເງື່ອນໄຂທີ່ເໝາະສົມ.
ແຫຼ່ງຄັດຈາກ: vovworld.vn