ຈີນ ພວມຄ່ອຍໆປະຕິບັດສໍາເລັດຄໍາໝັ້ນສັນຍາດ້ານການຄ້າກັບ ອາເມລິກາ
ວັນທີ 3 ທັນວາ, ທ່ານ Scott Bessent ລັດຖະມົນຕີກະຊວງການເງິນອາເມລິກາ ໄດ້ສະແດງຄວາມປະເອີບໃຈກ່ຽວກັບແງ່ຫວັງເສດຖະກິດອາເມລິກາ ໃນປີຈະມາເຖິງ ແລະເຜີຍໃຫ້ຮູ້ວ່າ ຈີນ ພວມຄ່ອຍໆກ້າວໄປເຖິງເລື່ອງປະຕິບັດສໍາເລັດບັນດາຄຳໝັ້ນສັນຍາໃນຂໍ້ຕົກລົງດ້ານການຄ້າກັບອາເມລິກາ.
ກ່າວຄຳເຫັນທີ່ກອງປະຊຸມ DealBook ຂອງໜັງສືພິມ New York Times, ທ່ານ Bessent ຢືນຢັນວ່າ ຈີນ ພວມກ້າວເຂົ້າໃກ້ກັບເລື່ອງປະຕິບັດສຳເລັດບັນດາຄຳໝັ້ນສັນຍາໃນຂໍ້ຕົກລົງດ້ານການຄ້າສອງຝ່າຍ, ລວມມີເລື່ອງຊື້ຖົ່ວເຫຼືອງ 12 ລ້ານໂຕນ-ສິ່ງທີ່ ທ່ານ ໄດ້ຄາດຄະເນວ່າຈະປະຕິບັດສຳເລັດໃນທ້າຍເດືອນ ກຸມພາ 2026.
ທ່ານ ກໍ່ສະແດງຄວາມເຊື່ອໝັ້ນວ່າ ສານສູງສຸດ ອາເມລິກາ ຈະຮັກສາລັກສະນະຖືກຕ້ອງຕາມກົດໝາຍຂອງບັນດາອັດຕາພາສີກວ້າງຂວາງທີ່ທ່ານ Donald Trump, ປະທານາທິບໍດີ ອາເມລິກາ ພວມຈັດວາງຕໍ່ສິນຄ້າຂອງເກືອບທຸກປະເທດຕາມກົດໝາຍວ່າດ້ວຍສິດເສດຖະກິດສຸກເສີນສາກົນ (IEEPA).
ແຫຼ່ງຄັດຈາກ: vovworld.vn