ສ.ເກົາຫຼີ ສະເໜີເຊື່ອມຕໍ່ການເຈລະຈາດ້ານການທະຫານກັບ ສປປ.ເກົາຫຼີ ພາຍຫຼັງ 7 ປີ
ວັນທີ 17 ພະຈິກ, ສ.ເກົາຫຼີ ໄດ້ສະເໜີຈັດການເຈລະຈາດ້ານການທະຫານກັບ ສປປ.ເກົາຫຼີ ເພື່ອປຶກສາຫາລືມາດຕະການເຮັດແຈ້ງເສັ້ນຊາຍແດນດ້ານການທະຫານ (MDL), ໃນສະພາບທະຫານ ສປປ.ເກົາຫຼີ ໄດ້ຂ້າມເສັ້ນຊາຍແດນຫຼາຍເທື່ອເມື່ອປະຕິບັດໜ້າທີ່ຢູ່ໃກ້ເຂດຊາຍແດນ.
    |
 |
|
ທ່ານ Kim Hong Cheol ຮອງລັດຖະມົນຕີກະຊວງນະໂຍບາຍດ້ານປ້ອງກັນຊາດ. ພາບ: REUTERS |
ທ່ານ Kim Hong Cheol ຮອງລັດຖະມົນຕີກະຊວງນະໂຍບາຍດ້ານປ້ອງກັນຊາດ ໃຫ້ຮູ້ວ່າ ເຊີອູນ ປາດຖະໜາຢາກໃຫ້ສອງຝ່າຍປຶກສາຫາລືເພື່ອສະກັດກັ້ນການກະທຳໂດຍບໍ່ຕັ້ງໃຈ ແລະຫຼຸດຜ່ອນຄວາມເຄັ່ງຕຶງດ້ານການທະຫານ, ພ້ອມດຽວກັນນັ້ນ ກໍສະແດງຄວາມຫວັງວ່າ ພຽງຢາງ ຈະມີການສ່ອງແສງຄືນຢ່າງຕັ້ງໜ້າ. ສ.ເກົາຫຼີ ກໍກຽມພ້ອມປຶກສາຫາລືກ່ຽວກັບເວລາ ແລະສະຖານທີ່ຈັດຕັ້ງ.
ພ້ອມກັບຂໍ້ສະເໜີຈັດການເຈລະຈາ, ສ.ເກົາຫຼີ ໄດ້ປົດໂທລະໂຄ່ງ ແລະຢຸດຕິການອອກອາກາດລາຍການໂຄສະນາເພື່ອແນໃສ່ຊຸກຍູ້ຄວາມໄວ້ເນື້ອເຊື່ອໃຈລະຫວ່າງ ສ.ເກົາຫຼີ ແລະສປປ.ເກົາຫຼີ. ເຖິງຢ່າງໃດກໍຕາມ, ເລື່ອງ ສປປ.ເກົາຫຼີ ຈະຮັບຮອງດຳເນີນການເຈລະຈາໄດ້ ຫຼື ບໍ່ນັ້ນແມ່ນຍັງບໍ່ທັນຈະແຈ້ງເທື່ອ. ຖ້າດຳເນີນ, ນີ້ຈະແມ່ນການເຈລະຈາການທະຫານລະຫວ່າງ ສ.ເກົາຫຼີ ແລະ ສປປ.ເກົາຫຼີ ຄັ້ງທຳອິດນັບແຕ່ປີ 2018 ເປັນຕົ້ນມາ. ກອງບັນຊາການ ສປຊ (UNC) ເນັ້ນໜັກວ່າຈະສືບຕໍ່ໜູນຊ່ວຍບັນດາຄວາມມານະພະຍາຍາມທີ່ເໝາະສົມກັບສັນຍາຢຸດຍິງ ແລະຫຼຸດຜ່ອນຄວາມສ່ຽງເຮັດໃຫ້ຄວາມເຄັ່ງຕຶງເພີ່ມຂຶ້ນ.
ແຫຼ່ງຄັດຈາກ vovworld.vn