ກຳ​ລັງ​​ກູ້ໄພ​ກູ້​ຊີບ ບໍ່​ພົບ​ເຫັນ​ສັນ​ຍານ​ບົ່ງ​ບອກເຖິງ​ສິ່ງ​ມີ​ຊີ​ວິດ​ໃນ​ເຫດ​ໂຮງ​ຮຽນ​ຖະຫຼົ່ມ​ຢູ່ ອິນ​ໂດ​ເນ​ເຊຍ

ກຳລັງກູ້ໄພກູ້ຊີບສຸມກຳລັງຊອກຫາຜູ້ຫາຍສາບສູນຢູ່ບ່ອນເກີດເຫດ. ພາບ: REUTERS/Dipta Wahyu

ພາຍຫຼັງ 3 ວັນເຫດໂຮງຮຽນກິນນອນ ມຸດສະລິມ Al Khozyni ຢູ່ທາງທິດຕາເວັນອອກ Java ຂອງ ອິນໂດເນເຊຍ ຖືກຖະຫຼົ່ມ, ມີຜູ້ລອດຊີວິດ 103 ຄົນ ແລະເສຍຊີວິດ 5 ຄົນ ແລະ ຍັງມີຜູ້ຫາຍສາບສູນ 59 ຄົນ. ໃນການຖະແຫຼງຂ່າວກ່ຽວກັບອຸບັດຕິເຫດດັ່ງກ່າວ ທີ່ດຳເນີນໃນວັນທີ 2 ຕຸລາ, ຢູ່ ຈາກາຕາ, ທ່ານ Suharyanto, ຜູ້ອຳນວຍການອົງການຄຸ້ມຄອງວິນາດຕະກຳແຫ່ງຊາດ (BNPB), ໃຫ້ຮູ້ວ່າ ສຳລັບດ້ານວິທະຍາສາດ, ບໍ່ມີສັນຍານໃດທີ່ບົ່ງບອກໃຫ້ເຫັນວ່າເຂົາເຈົ້າຍັງມີຊີວິດຢູ່ກອງຊາກຫັກພັງຢູ່ບ່ອນເກີດເຫດດັ່ງກ່າວ.

ໂຮງຮຽນ Al Khoziny ຖືກຖະຫຼົ່ມໃນວັນທີ 29 ກັນຍາຜ່ານມາ ແມ່ນພວມຢູ່ໃນວິວັດການກໍ່ສ້າງ. ໃນຂະນະທີ່ ບັນດານັກຮຽນພວມສວດມົນຕອນບ່າຍຢູ່ຊັ້ນລຸ່ມຂອງຕຶກອາຄານດັ່ງກ່າວ, ບັນດາຊັ້ນເທິງທີ່ພວມດຳເນີນການກໍ່ສ້າງນັ້ນ ໄດ້ລົ້ມຖະຫຼົ່ມລົງມາ.

ແຫຼ່ງຄັດຈາກ: vovworld.vn