ອິດ​ສະ​ລາ​ແອັນ ສືບ​ຕໍ່​ບຸກ​ໂຈມ​ຕີ​ເຂົ້າ ກາ​ຊາ ເຖິງວ່າ​ການ​ເຈ​ລະ​ຈາ​ຢຸດ​ຍິງ​​ໃກ້​​ຈະເລີ່ມ​ຕົ້ນ

ພາບປະກອບ: THX/ສໍານັກຂ່າວສານຫວຽດນາມ

ໂດຍບໍ່ຫົວຊາຕໍ່ບັນດາການເຈລະຈາການຢຸດຍິງທີ່ໃກ້ຈະໄດ້ເລີ່ມຕົ້ນຄືນໃໝ່, ວັນທີ 5 ຕຸລາ, ກອງທັບອິດສະລາແອັນ ສືບຕໍ່ເປີດຫຼາຍບັ້ນບຸກໂຈມຕີຢູ່ເຂດກາຊາ. ເຮືອບິນ ແລະລົດຖັງຂອງກອງທັບ ອິດສະລາແອັນ ສືບຕໍ່ປະກົດຕົວ ແລະບຸກໂຈມຕີເລັ່ງໃສ່ຂົງເຂດທີ່ແຕກຕ່າງກັນໃນທົ່ວເຂດກາຊາ. ມີອາຄານ, ເຮືອນຢູ່ຂອງປະຊາຊົນຫຼາຍຫຼັງ ຢູ່ກາຊາ ຖືກລູກສອນໄຟ ແລະປືນໃຫຍ່ຂອງກອງທັບອິດສະລາແອັນ ທຳລາຍ.

ເລື່ອງກອງທັບ ອິດສະລາແອັນ ສືບຕໍ່ບຸກໂຈມຕີເຂດກາຊາ ແມ່ນສັນຍານທີ່ເປັນໜ້າກັງວົນ, ຍ້ອນວ່າມັນໄດ້ດຳເນີນໃນສະພາບການບັນດາການເຈລະຈາຄັ້ງທຳອິດລະຫວ່າງອິດສະລາແອັນ ແລະຂະບວນການອິດສະລາມ ຮາມາດສ ກ່ຽວກັບຂໍ້ລິເລີ່ມຢຸດຍິງຂອງອາເມລິກາ ທີ່ໃກ້ຈະໄດ້ເລີ່ມຕົ້ນຂຶ້ນ. ວັນທີ 5 ຕຸລາ, ຫ້ອງວ່າການນາຍົກລັດຖະມົນຕີ ອິນສະລາແອັນ ໃຫ້ຮູ້ວ່າ ທ່ານນາຍົກລັດຖະມົນຕີ Benjamin Netanyahu ໄດ້ມີຄຳສັ່ງຊີ້ນຳຢ່າງເປັນທາງການໃຫ້ແກ່ຄະນະເຈລະຈາປະເທດນີ້ ໄປຍັງ ເອຢິບ ເພື່ອເລີ່ມບັນດາການເຈລະຈາກູ້ຊ່ວຍຕົວປະກັນ.

ແຫຼ່ງຄັດຈາກ: vovworld.vn