ການປະທະກັນຢູ່ເຂດກາຊາ: ຫຼາຍປະເທດຍູ້ແຮງການຂົນສົ່ງທາງອາກາດເພື່ອກູ້ຊ່ວຍຊາວປາແລດສະຕິນ
ວັນທີ 1 ສິງຫາ, ທ່ານ Jean-Noel Barrot ລັດຖະມົນຕີການຕ່າງປະເທດ ຝລັ່ງ ໃຫ້ຮູ້ວ່າ: ປະເທດນີ້ໄດ້ຜັນຂະຫຍາຍ 4 ຖ້ຽວບິນຂົນສົ່ງເຄື່ອງບັນເທົ່າທຸກ ລວມ 40 ໂຕນ ຈາກຈໍແດນ ໄປຍັງເຂດກາຊາ.
    |
 |
|
ປ່ອຍເຄື່ອງບັນເທົາທຸກຈາກເຮືອບິນ ລົງໃສ່ເຂດກາຊາ ໃນວັນທີ 27 ກໍລະກົດ 2025. ພາບ: THX/ ສໍານັກຂ່າວສານຫວຽດນາມ |
ກ່ອນໜ້ານັ້ນ, ໃນວັນດຽວກັນ, ອັງກິດ ປະກາດໄດ້ປະຕິບັດບັ້ນປ່ອຍເຄື່ອງບັນເທົາທຸກຄັ້ງທຳອິດລົງເຂດກາຊາ.
ທ່ານນາຍົກລັດຖະມົນຕີ ເຢຍລະມັນ Friedrich Merz ໃຫ້ຮູ້ວ່າ ມີເຮືອບິນຂົນສົ່ງ 2 ລຳຂອງ ເຢຍລະມັນ ໄດ້ເດີນທາງບິນເຖິງຈໍແດນ ແລະອາດຈະເລີ່ມປ່ອຍເຄື່ອງບັນເທົາທຸກໃນທ້າຍອາທິດນີ້ຊ້ຳບໍ່ຫນຳແມ່ນໄວກວ່າ.
ໃນຊຸມມື້ຜ່ານມາ, ບັນດາອົງການກູ້ຊ່ວຍຂອງສະຫະປະຊາຊາດ ໄດ້ກ່າວເຕືອນສະພາບ “ໄພອຶດຫິວຢ່າງຮ້າຍແຮງ” ພວມແຜ່ລາມອອກສູ່ວົງກວ້າງໃນຈຳນວນປະຊາຊົນກວ່າ 2 ລ້ານຄົນພວມດຳລົງຊີວິດຢູ່ເຂດກາຊາ. ອົງການທັນຍາຫານໂລກ (WFP), ກອງທຶນເພື່ອເດັກ ສປຊ (UNICEF) ແລະອົງການອາຫານ ແລະການກະເສດຂອງ ສປຊ (FAO) ຮຽກຮ້ອງບັນດາຄວາມມານະພະຍາຍາມຮີບດ່ວນເພື່ອເພີ່ມການຊ່ວຍເຫຼືອທັນຍາຫານໃນຂອບເຂດໃຫຍ່ໃຫ້ແກ່ເຂດກາຊາ.
ແຫຼ່ງຄັດຈາກ: vovworld.vn