ທ່ານເລຂາທິການໃຫຍ່ ນາໂຕ ຢ້ຽມຢາມ ອາເມລິກາ
ທ່ານເລຂາທິການໃຫຍ່ອົງການສົນທິສັນຍາອັດລັງຕິກເໜືອ (ນາໂຕ) Mark Rutte ເດີນທາງໄປຢ້ຽມຢາມອາເມລິກາ ໃນລະຫວ່າງວັນທີ 14-15 ກໍລະກົດ ແລະຈະມີການພົບປະກັບທ່ານປະທານາທິບໍດີ ອາເມລິກາ Donald Trump, ທ່ານລັດຖະມົນຕີການຕ່າງປະເທດ Marco Rubio ແລະທ່ານລັດຖະມົນຕີກະຊວງປ້ອງກັນປະເທດ Pete Hegseth.
ແຈ້ງການສື່ມວນຊົນຂອງ ນາໂຕ ທີ່ໄດ້ສົ່ງເຖິງວົງການສື່ມວນຊົນບໍ່ໄດ້ຍົກອອກເຫດຜົນຕົ້ນຕໍຂອງການຢ້ຽມຢາມຂອງທ່ານ Mark Rutte, ແຕ່ຜ່ານບັນດາສິ່ງທີ່ທ່ານປະທານາທິບໍດີ Donald Trump ເປີດເຜີຍໃນການສຳພາດຫວ່າງມໍ່ໆມານີ້ກັບ NBC News, ທ່ານປະທານາທິບໍດີ Donald Trump ໃຫ້ຮູ້ວ່າ ອາເມລິກາ ພ້ອມແລ້ວທີ່ຈະສະໜອງອາວຸດໃຫ້ແກ່ ຢູແກຼນ ໂດຍຜ່ານນາໂຕ ແລະທ່ານຈະມີຖະແຫຼງການສຳຄັນໃນວັນທີ 14 ກໍລະກົດ.
ແຫຼ່ງຄັດຈາກ: vovworld.vn