ຊາວ ອິດ​ສະ​ຣາ​ແອັນ ແຫ່​ຂະ​ບວນ​ປະ​ທ້ວງ​ຮຽກ​ຮ້ອງ​ສິ້ນ​ສຸດ​ສົງ​ຄາມ

ປະຊາຊົນແຫ່ຂະບວນປະທ້ວງ. ພາບ: Reuters

ຕາມສື່ມວນຊົນອິດສະຣາແອັນ ແລ້ວ, ນະຄອນ Tel Aviv ສືບຕໍ່ແມ່ນຈຸດສຸມຂອງບັ້ນແຫ່ຂະບວນປະທ້ວງຄັດຄ້ານລັດຖະບານຍ້ອນແບບວິທີການບໍລິຫານບັ້ນຮົບຢູ່ເຂດກາຊາ ເຮັດໃຫ້ຕົວປະກັນ 58 ຄົນ ຍັງບໍ່ທັນໄດ້ກັບເມືອເຮືອນ. ເຂົ້າຮ່ວມບັນດາບັ້ນແຫ່ຂະບວນປະທ້ວງດັ່ງກ່າວມີຜູ້ທີ່ເຄີຍຖືກເປັນຕົວປະກັນ, ຍາດພີ່ນ້ອງຂອງຕົວປະກັນທີ່ພວມຖືກກັກຂັງຢູ່ເຂດກາຊາ, ນັກສຶກສາຢູ່ມະຫາວິທະຍາໄລແຫ່ງຕ່າງໆ… ເຂົາເຈົ້າແຫ່ຂະບວນປະທ້ວງເພື່ອຮຽກຮ້ອງລັດຖະບານຂອງທ່ານນາຍົກລັດຖະມົນຕີ Benjamin Netanyahu ດຳເນີນການປຶກສາຫາລືກັບກຳລັງຮາມາດສ ເພື່ອກູ້ເອົາຊີວິດບັນດາຕົວປະກັນ ແລະສິ້ນສຸດສົງຄາມການທະຫານໃນທັນທີ. ໃນເຂດສຳນັກງານພັກ Likud ຂອງທ່ານນາຍົກລັດຖະມົນຕີ Netanyahu, ບັນດາຜູ້ແຫ່ຂະບວນປະທ້ວງໄດ້ມີການປະທະກັນກັບກຳລັງປ້ອງກັນຄວາມສະຫງົບ, ເຮັດໃຫ້ຕຳຫຼວດ 2 ຄົນຖືກບາດເຈັບ ແລະຜູ້ແຫ່ຂະບວນປະທ້ວງ 62 ຄົນຖືກກັກຕົວ.

ກ່ຽວຂ້ອງເຖິງການເຄື່ອນໄຫວຊ່ວຍເຫຼືອມະນຸດສະທຳໃຫ້ແກ່ເຂດກາຊາ, ກະຊວງປ້ອງກັນປະເທດອິດສະຣາແອັນ ໃຫ້ຮູ້ວ່າ ໃນວັນທີ 28 ພຶດສະພາ ມີລົດຂົນສົ່ງເຄື່ອງຊ່ວຍເຫຼືອມະນຸດສະທຳເຂົ້າໄປເຂດກາຊາ ຕື່ມອີກ 121 ຄັນ.

ແຫຼ່ງຄັດຈາກ: vovworld.vn