ທ່ານ​ນາ​ຍົກ​ລັດ​ຖະ​ມົນ​ຕີອັງ​ກິດ ເດີນ​ທາງໄປ​ເຖິງ ຝ​ລັ່ງ, ສະ​ແດງ​ໃຫ້​ເຫັນ​ຄວາມ​ສາ​ມັກ​ຄີ​ກັບ ເອີ​ລົບ

ທ່ານປະທານາທິບໍດີຝລັ່ງ Emmanuel Macron  ຕ້ອນຮັບທ່ານນາຍົກລັດຖະມົນຕີອັງກິດ Keir Starmer ຢູ່ ປາຣີ. ພາບ: ຫ້ອງວ່າການນາຍົກລັດຖະມົນຕີອັງກິດ

ການຢ້ຽມຢາມມີລັກສະນະແບບສັນຍາລັກເມື່ອທ່ານ Starmer ກາຍເປັນການນຳອັງກິດ ຄົນທຳອິດເຂົ້າຮ່ວມເຫດການສະເຫຼີມສະຫຼອງລະດັບຊາດຂອງ ຝລັ່ງ ນັບແຕ່ເມື່ອອາຍຸການຂອງທ່ານນາຍົກລັດຖະມົນຕີ Winston Churchill ໃນປີ 1944.

ຕາມແຈ້ງການຂອງ ຫ້ອງວ່າການນາຍົກລັດຖະມົນຕີ ໃຫ້ຮູ້ວ່າ: ກ່ອນທີ່ເຂົ້າຮ່ວມພິທີສະເຫຼີມສະຫຼອງຢູ່ ສຸສານນັກຮົບນິລະນາມ ພ້ອມກັບບັນດາທະຫານຜ່ານເສີກ ຝລັ່ງ ແລະອັງກິດ, ທ່ານນາຍົກລັດຖະມົນຕີ Starmer ແລະປະທານາທິບໍດີ ຝລັ່ງ Macron ຄາດວ່າ ຈະປຶກສາຫາລືກ່ຽວກັບການປະທະກັນ ຢູ່ ຢູແກຼນ ແລະສະພາບການມະນຸດສະທຳ ຢູ່ ກາຊາ. ນອກຈາກການເຈລະຈາກັບປະທານາທິບໍດີ ຝລັ່ງ ແລ້ວ, ທ່ານນາຍົກລັດຖະມົນຕີ  Starmer ຍັງມີການພົບປະກັບທ່ານນາຍົກລັດຖະມົນຕີ ຝລັ່ງ Michel Barnier ຊື່ງແມ່ນຜູ້ເຄີຍເປັນນັກເຈລະຈາໃນວິວັດການ ອັງກິດ ຖອນຕົວອອກຈາກ ອີຢູ (Brexit).

ແຫຼ່ງຄັດຈາກ: vovworld.vn