ອັງກິດ ໃຫ້ບຸລິມະສິດບັນຫາດິນຟ້າອາກາດ ແລະການສຶກສາໃນກອງປະຊຸມລັດຖະມົນຕີການຕ່າງປະເທດ G7
ວັນທີ 2 ພຶດສະພາ, ອັງກິດ ເຊິ່ງແມ່ນປະເທດເປັນປະທານໝູນວຽນຂອງກຸ່ມ 7 ປະເທດອຸດສາຫະກຳພັດທະນາແຖວໜ້າຂອງໂລກ (G7) ໄດ້ແຈ້ງໃຫ້ຊາບບັນດາເປົ້າໝາຍກ່ຽວກັບການຊ່ວຍໜູນດ້ານການເງິນໃຫ້ແກ່ການຕໍ່ສູ້ຕ້ານການປ່ຽນແປງຂອງດິນຟ້າອາກາດ ແລະການສຶກສາໃຫ້ແກ່ເດັກຍິງ ຈະແມ່ນເນື້ອໃນສຳຄັນແຖວໜ້າ ໃນການພົບປະລະຫວ່າງລັດຖະມົນຕີການຕ່າງປະເທດ G7 ເຊິ່ງຄາດວ່າຈະດຳເນີນແຕ່ວັນທີ 3 ພຶດສະພາ ຢູ່ນະຄອນຫຼວງລອນດອນ ຂອງ ອັງກິດ.