ດ່ານັ້ງ ເປັນເຈົ້າພາບຈັດຕັ້ງເວທີປາໄສພັດທະນາສາຍການບິນອາຊີ 2022
ກປ.ອອນໄລ - ຄະນະກໍາມະການປະຊາຊົນນະຄອນດ່ານັ້ງ ຫາກໍ່ປະກາດໃຊ້ແຜນການເລກທີ 51/KH-UBND ລົງວັນທີ 19 ມີນາ 2022 ກ່ຽວກັບການຈັດຕັ້ງເວທີປາໄສພັດທະນາສາຍການບິນອາຊີ (Routes Asia) 2022.
|
|
ເວທີປາໄສພັດທະນາສາຍການບິນອາຊີ (Routes Asia) 2022 ທີ່ຈັດຕັ້ງຢູ່ນະຄອນດ່ານັ້ງ ໄດ້ແນະນໍາ, ໂຄສະນາເຜີຍແຜ່ໃນເວັບໄຊທາງການຂອງກົມກອງຈັດຕັ້ງເຫດການ - ບໍລິສັດ Informa Routes, Manchester, ປະເທດອັງກິດ. ພາບ: danang.gov.vn |
ນີ້ແມ່ນເຫດການທີ່ຈັດຕັ້ງປະຈໍາປີ, ເຊິ່ງໄດ້ເຕົ້າໂຮມເອົາບັນດາບໍລິສັດການບິນ, ສະໜາມບິນ, ກົມກອງສະໜອງການບິນທ່ອງທ່ຽວໂດຍບໍລິສັດ Informa Routes ຜັດປ່ຽນກັນຈັດຂຶ້ນຢູ່ບັນດານະຄອນໃຫຍ່ຂອງອາຊີ.
Routes Asia 2022 ຈະດໍາເນີນໃນລະຫວ່າງວັນທີ 4-6 ກັນຍາ, ເຊິ່ງສ້າງກາລະໂອກາດເພື່ອໂຄສະນາເຜີຍແຜ່, ແນະນໍາພາບພົດ ແລະຄວາມສາມາດບົ່ມຊ້ອນຂອງນະຄອນດ່ານັ້ງ ກ່ຽວກັບສະພາບແວດລ້ອມແຫ່ງການລົງທຶນ, ການຄ້າ, ການບິນ, ການທ່ອງທ່ຽວ, logistics ໃຫ້ຜູ້ແທນສາກົນທີ່ເຂົ້າຮ່ວມເຫດການ ປະມານ 500 ຄົນ. ນີ້ກໍ່ແມ່ນກາລະໂອກາດເພື່ອໃຫ້ນະຄອນຮຽກຮ້ອງ, ເຊື່ອມຕໍ່ກັບບັນດາບໍລິສັດການບິນ, ສະໜາມບິນສາກົນເພື່ອແນໃສ່ເຊື່ອມຕໍ່ສາຍການບິນສາກົນຄືນໃໝ່ພາຍຫຼັງຖືກຮັບຜົນສະທ້ອນຈາກພະຍາດໂຄວິດ-19; ດຶງດູດການລົງທຶນໃນບັນດາຂົງເຂດ ຄື: ພື້ນຖານໂຄງລ່າງການບິນ; ບໍາລຸງຮັກສາ, ສ້ອມແປງເຮືອບິນ ແລະຊັບພະຍາກອນມະນຸດຂະແໜງການບິນ; ການບໍລິການທ່ອງທ່ຽວ... ປະກອບສ່ວນເພີ່ມຈໍານວນການແລກປ່ຽນສິນຄ້າບໍລິການລະຫວ່າງນະຄອນດ່ານັ້ງ ກັບບັນດານະຄອນຄູ່ຮ່ວມມືໃນພາກພື້ນອາຊີ ຕື່ມອີກ.
ໂດຍ: ຈາງຫງວຽນ