National Geographic ແນະ​ນຳ​ບັນ​ດາ​ສະ​ຖານ​ທີ່​ປະ​ຫວັດ​ສາດ​ຢູ່​ສາມ​ພາກ​ ໃນ​ໂອ​ກາດ​ວັນ​ຊາດ ຫວຽດນາມ

ວາລະສານ National Geographic ແນະນຳ ຮ່າໂນ້ຍ ແມ່ນສະຖານທີ່ທ່ອງທ່ຽວທີ່ເປັນໜ້າແວ່ຍາມໃນໂອກາດວັນຊາດ. ພາບ: vov.vn

ຢູ່ຮ່າໂນ້ຍ, ສອງສະຖານທີ່ທ່ອງທ່ຽວທີ່ວາລະສານນີ້ເຕື້ອງເຖິງ ນັ້ນແມ່ນ ຄຸກຮວາລໍ່ ແລະຫໍພິພິທະພັນປະຫວັດສາດການທະຫານຫວຽດນາມ. ເມື່ອໄປ ກວ໋າງຈິ, ແຂກທ່ອງທ່ຽວສາມາດແວ່ຢາມສອງສະຖານທີ່ຕິດພັນກັບການຕໍ່ສູ້ຍາດເອົາເອກະລາດຂອງຊາດ ຫວຽດນາມ ນັ້ນແມ່ນ ອຸມົງ ວິງມົກ ແລະ ສອງຝັ່ງແມ່ນ້ຳ ຮ່ຽນເລືອງ - ເບັ້ນຫ໋າຍ. ຢູ່ ກວ໋າງຫງາຍ, National Geographic  ໄດ້ເຕື້ອງເຖິງເຂດຮ່ອງຮອຍປະຫວັດສາດ ໝີເຊີນ. ສ່ວນຢູ່ນະຄອນ ໂຮ່ຈີມິນ, 3 ສະຖານທີ່ປະຫວັດສາດທີ່ຄວນມາຢາມໃນໂອກາດນີ້ ນັ້ນແມ່ນ ຫໍພິພິທະພັນຮ່ອງຮອຍສົງຄາມ, ທຳນຽບເອກະລາດ ແລະອຸມົງ ກູຈີ. ທຸກສະຖານທີ່ທ່ອງທ່ຽວ ເຊິ່ງ National Geographic  ແນະນຳລ້ວນແຕ່ແມ່ນສະຖານທີ່ຕິດພັນກັບຊຸມເດືອນປີແຫ່ງການຕໍ່ສູ້ຢ່າງອົງອາດກ້າຫານຂອງກອງທັບ ແລະປະຊາຊົນ ຫວຽດນາມ ເພື່ອປົກປັກຮັກສາພື້ນຖານສັນຕິພາບ, ເອກະລາດຂອງຊາດ.

ແຫຼ່ງຄັດຈາກ: vovworld.vn