ການສຶກສາແມ່ນຈຸຸດສຸມ ໃນການພົວພັນຫວຽດນາມ-ອົດສະຕາລີ

ມີນັກຮຽນເຄີຍຮໍ່າຮຽນ ຢູ່ອົດສະຕາລີ ກວ່າ 400 ຄົນ ມາເຂົ້າຮ່ວມເຫດການພົບປະ. ພາບ: ສະຖານທູດອົດສະຕາລີ ປະຈໍາ ຫວຽດນາມ

ມີນັກຮຽນຫວຽດນາມ ກວ່າ 160.000 ຄົນ ທີ່ເຄີຍຮໍ່າຮຽນ ຢູ່ອົດສະຕາລີ ທີ່ພວມເຮັດວຽກໃນທັງພາກລັດ ແລະເອກະຊົນ ຈາກສູນກາງລົງຮອດທ້ອງຖິ່ນໃນປະຈຸບັນ, ປະກອບສ່ວນສໍາຄັນເຂົ້າໃນການພັດທະນາຂອງຫວຽດນາມ ແລະຊຸກຍູ້ການພົວພັນສອງຝ່າຍ. ທ່ານນາງ Gillian Bird ເອກອັກຄະລັດຖະທູດ ອົດສະຕາລີ ປະຈໍາຫວຽດນາມ ເນັ້ນໜັກວ່າ “ບັນດານັກຮຽນທີ່ເຄີຍຮໍ່າຮຽນຢູ່ອົດສະຕາລີ ແມ່ນຂົວຕໍ່ອັນລໍ້າຄ່າລະຫວ່າງສອງປະເທດພວກເຮົາ. ການພົວພັນລະຫວ່າງອົດສະຕາລີ ແລະຫວຽດນາມ ໄດ້ຮັບການສ້າງຂຶ້ນບົນພື້ນຖານການພົວພັນແບບຍືນຍົງລະຫວ່າງປະຊາຊົນສອງປະເທດ, ການຮ່ວມສໍາພັນເສດຖະກິດອັນເລິກເຊິ່ງກວ້າງຂວາງ ແລະວິໄສທັດຮ່ວມກ່ຽວກັບພາກພື້ນມະຫາສະໝຸດອິນເດຍ-ປາຊີຟິກ ສັນຕິພາບ, ສະຖຽນລະພາບ ແລະຈະເລີນຮຸ່ງເຮືອງ. ດ້ວຍບົດຮຽນ ແລະຄວາມເຂົ້າໃຈອັນເລິກເຊິ່ງກ່ຽວກັບສອງປະເທດ, ບັນດານັກຮຽນໄດ້ປະກອບສ່ວນສໍາຄັນເຂົ້າໃນການຊຸກຍູ້ການເຂົ້າຮ່ວມເຊິ່ງກັນ ແລະກັນ ແລະເພີ່ມທະວີການຮ່ວມມືດ້ານເສດຖະກິດລະຫວ່າງອົດສະຕາລີ ກັບຫວຽດນາມ”.

ໂດຍ: ໄຊນີດາ