ຊາວໜຸ່ມນະຄອນໂຮ່ຈີມິນ ເຄື່ອນໄຫວອາສາສະໝັກຢູ່ເກືອບ 20 ທ້ອງຖິ່ນ ແລະຢູ່ລາວ
ກປ.ອອນໄລ - ຕອນບ່າຍວັນທີ 28 ພຶດສະພາ, ທີ່ກອງປະຊຸມຂ່າວກ່ຽວກັບບັນດາລາຍການ ແລະການເຄື່ອນໄຫວອາສາສະໝັກລະດູຮ້ອນ 2024, ຄະນະຊາວໜຸ່ມນະຄອນໂຮ່ຈີມິນ ໃຫ້ຮູ້ວ່າ ບັນດາການເຄື່ອນໄຫວອາສາສະໝັກຈະດຳເນີນຢູ່ເກືອບ 20 ແຂວງ, ນະຄອນ ແລະຢູ່ລາວ.
ບັນດາລາຍການ, ກິດຈະກໍາເຄື່ອນໄຫວອາສາສະໝັກລະດູຮ້ອນ 2024 ຂອງໄວໜຸ່ມນະຄອນໂຮ່ຈີມິນ ຈະດຳເນີນແຕ່ວັນທີ 2 ມິຖຸນາ ຫາວັນທີ 4 ສິງຫາ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/29/upload_2123/1.jpg?dpi=150&quality=100&w=500) |
ຄະນະປະຈໍາຄະນະຊາວໜຸ່ມນະຄອນໂຮ່ຈີມິນ ແຈ້ງຂ່າວກ່ຽວກັບລາຍການ, ກິດຈະກໍາເຄື່ອນໄຫວອາສາສະໝັກລະດູຮ້ອນ 2024. ພາບ: qdnd.vn |
ຊາວໜຸ່ມນະຄອນໂຮ່ຈີມິນ ສູ້ຊົນດຶງດູດນັກອາສາສະໝັກຢ່າງໜ້ອຍສຸດ 125.000 ຄົນເຂົ້າຮ່ວມບັນດາລາຍການ, ກິດຈະກໍາເຄື່ອນໄຫວອາສາສະໝັກລະດູຮ້ອນ ແລະສະມາຊິກຊາວໜຸ່ມ, ຊາວໜຸ່ມ 1 ລ້ານເທື່ອຄົນເຂົ້າຮ່ວມການເຄື່ອນໄຫວອາສາສະໝັກໃນໂອກາດລະດູຮ້ອນ; ຈັດຕັ້ງນັກອາສາສະໝັກແຕ່ຂັ້ນນະຄອນ ຮອດຮາກຖານຢ່າງໜ້ອຍສຸດ 2.100 ທິມ, ໃນນັ້ນມີນັກອາສາສະໝັກຂັ້ນນະຄອນຢ່າງໜ້ອຍສຸດ 200 ທິມ.
ຄຽງຂ້າງກັນນັ້ນ, ອົງການຈັດຕັ້ງຂອງຊາວໜຸ່ມ, ສະມາຄົມຈະໜູນຊ່ວຍເຊື່ອມຕໍ່ຜັນຂະຫຍາຍ, ຫັນ 2.500 ແນວຄວາມຄິດ, ຂໍ້ລິເລີ່ມຂອງສະມາຊິກຊາວໜຸ່ມໃນທຸກຂົງເຂດໃຫ້ປະກົດຜົນເປັນຈິງ, ຝຶກອົບຮົມທັກສະດີຈີຕອນ, ຍົກສູງຄວາມສາມາດດີຈີຕອນໃຫ້ຊາວໜຸ່ມເຍົາສະຊົນ ແລະປະຊາຊົນຢ່າງໜຸ້ອຍສຸດ 600.000 ເທື່ອຄົນ, ຝຶກອົບຮົມຄວາມຮູ້ເລີ່ມທຸລະກິດໃຫ້ຊາວໜຸ່ມ, ນັກສຶກສາປະມານ 5000 ເທື່ອຄົນ, ເຊື່ອມຕໍ່ໜູນຊ່ວຍ 10 ໂຄງການເລີ່ມທຸລະກິດ, ປ່ຽນແປງໃໝ່ປະດິດສ້າງຂອງຊາວໜຸ່ມ, ແນະນໍາວຽກເຮັດງານທໍາໃຫ້ຊາວໜຸ່ມໜ້ອຍສຸດ 5.000 ຄົນ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/29/upload_2123/2.jpg?dpi=150&quality=100&w=500) |
ໄວໜຸ່ມກໍາລັງປະກອບອາວຸດນະຄອນໂຮ່ຈີມິນ ສົມທົບກັບບັນດາຫົວໜ່ວຍແຮກສ່ຽວ ດຳເນີນການເຄື່ອນໄຫວອາສາສະໝັກລະດູຮ້ອນ 2023. ພາບ: qdnd.vn |
ຈຸດພົ້ນເດັ່ນໃນຂອບເຂດການເຄື່ອນໄຫວອາສາສະໝັກລະດູຮ້ອນ 2024 ແມ່ນບັນດານັກສຶກສາຕ່າງປະເທດ ພວມຮ່ຳຮຽນຢູ່ນະຄອນໂຮ່ຈີມິນ ພ້ອມກັບຊາວໜຸ່ມສາກົນ ມາຮອດນະຄອນ ແລະທິມຊາວໜຸ່ມອາສາສະໝັກສາກົນນະຄອນ ຈະຈັດຕັ້ງການສອນພາສາອັງກິດໂດຍບໍ່ເສຍຄ່າ ໃຫ້ແກ່ເດັກນ້ອຍເມືອງຕ່າງໆ, ຈັດການພົບປະແລກປ່ຽນວັດທະນະທໍາ, ປົກປັກຮັກສາສິ່ງແວດລ້ອມ, ຍົກສູງທັກສະການເຊື່ອມໂຍງເຂົ້າກັບສາກົນໃຫ້ແກ່ຊາວໜຸ່ມ. ນອກນີ້, ບັນດາເພື່ອນຊາວໜຸ່ມສາກົນ ທີ່ມາຈາກມາເລເຊຍ ຈະເຄື່ອນໄຫວອາສາສະໝັກຢູ່ນະຄອນໂຮ່ຈີມິນ ແຕ່ວັນທີ 7 ກໍລະກົດ ຫາວັນທີ 3 ສິງຫາ.
ໂດຍ: ໄຊນີດາ