ກ່າວຄຳເຫັນທີ່ພິທີໄຂ, ທ່ານ ຫງວຽນຈ້ອງເຫງຍ ຫົວໜ້າຄະນະໂຄສະນາສຶກສາສູນກາງພັກຄອມມູນິດຫວຽດນາມ ໄດ້ເນັ້ນໜັກວ່າ ໂດຍຜ່ານການສ້າງ, ພັດທະນາ ແລະເຕີບໃຫຍ່ມາເກືອບ 80 ປີ, ວິທະຍຸກະຈາຍສຽງຫວຽດນາມ ເວົ້າສະເພາະ ແລະ ຂະແໜງກະຈາຍສຽງເວົ້າລວມ ນັບມື້ນັບຢັ້ງຢືນໄດ້ທີ່ຕັ້ງ, ບົດບາດເປັນອາວຸດດ້ານແນວຄິດທີ່ແຫຼມຄົມ, ເປັນຊ່ອງຂໍ້ມູນຂ່າວສານຫຼັກແຫຼ່ງ, ປະຈັນບານ, ນຳພາ, ກຳນົດທິດຫາງສຽງ. ເພື່ອຍົກສູງບົດບາດ, ທີ່ຕັ້ງຂອງຂະແໜງການກະຈາຍສຽງໃນຍຸກສະໄໝໃໝ່ໃຫ້ຫຼາຍກວ່າອີກນັ້ນ, ທ່ານຫົວໜ້າຄະນະໂຄສະນາສຶກສາສູນກາງພັກ ຫງວຽນຈ້ອງເຫງຍ ສະເໜີວ່າ: “ລະບົບກະຈາຍສຽງຈາກສູນກາງລົງຮອດຮາກຖານ ຕ້ອງສືບຕໍ່ເສີມຂະຫຍາຍປະສິດທິຜົນຂອງບົດບາດຕິດຕາມກວດກາ ແລະ ການຕີລາຄາທາງສັງຄົມ, ສ້າງເວທີດຶງດູດການເຂົ້າຮ່ວມຢ່າງຕັ້ງໜ້າຂອງປະຊາຊົນໃນການສ້າງລະບອບລະບຽບການ, ວາງແຜນກຳນົດນະໂຍບາຍ, ສ້າງລັດແຫ່ງກົດໝາຍສັງຄົມນິຍົມ; ເອົາໃຈໃສ່ເປັນພິເສດເຖິງການເຂົ້າຮ່ວມການສ້າງ, ພັດທະນາວັດທະນະທຳ, ມະນຸດຫວຽດນາມ ໃນຍຸກສະໄໝໃໝ່ເພື່ອສ້າງກຳລັງແຮງອ່ອນ, ກຳລັງແຮງພາຍໃນເພື່ອພັດທະນາປະເທດຊາດ. ປຸກລຸກ, ສ້າງຂະບວນການແຂ່ງຂັນຮັກຊາດ, ວຽກດີຄົນເດັ່ນຢ່າງເຂັ້ມແຂງ, ສ້າງສັງຄົມຂໍ້ມູນທີ່ປອດໃສ. ເຂົ້າຮ່ວມການຕໍ່ສູ້ປ້ອງກັນ, ຕ້ານການສໍ້ລາດບັງຫຼວງ, ປະກົດການຫຍໍ້ທໍ້, ຕ້ານການຜັນປ່ຽນດ້ວຍຕົນເອງ, ຜັນແປດ້ວຍຕົນເອງຢ່າງຕັ້ງໜ້າ. ເພີ່ມທະວີການປົກປັກຮັກສາພື້ນຖານແນວຄິດຂອງພັກ, ຕໍ່ສູ້ຄັດຄ້ານຂໍ້ມູນ, ທັດສະນະທີ່ບໍ່ມີມູນຄວາມຈິງ, ເປັນປໍລະປັກ. ຍົກສູງຄຸນນະພາບຂອງຂໍ້ມູນຂ່າວສານ, ໂຄສະນາເຜີຍແຜ່ກ່ຽວກັບແຜນນະໂຍບາຍ, ແນວທາງ, ນະໂຍບາຍການຕ່າງປະເທດ, ການທູດຂອງພັກ, ລັດ”.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/12/upload_2121/12072024-05-01.jpg?dpi=150&quality=100&w=500) |
ພິທີໄຂຮອບຊີງຊະນະເລີດງານມະໂຫລານກະຈາຍສຽງທົ່ວປະເທດຄັ້ງທີ XVI ປີ 2024. ພາບ: toquoc.vn |
ດ້ວຍຫົວຂໍ້ “ກະຈາຍສຽງຫວຽດນາມ - ຄວາມຫຼາຍຮູບຫຼາຍແບບໃນການຫັນເປັນດີຈີຕອນ”, ງານມະໂຫລານກະຈາຍສຽງທົ່ວປະເທດຄັ້ງທີ XVI ປີ 2024 ມີການເຂົ້າຮ່ວມຂອງ 81 ຫົວໜ່ວຍ, ດ້ວຍ 380 ຜົນງານ, ເຊິ່ງແບ່ງອອກເປັນ 6 ປະເພດ: ສາລະຄະດີ, ລາຍການກະຈາຍສຽງຕາມຫົວເລື່ອງສະເພາະ; ການສຳພາດ, ລາຍການກະຈາຍສຽງພາສາຊົນເຜົ່າ, ເລື່ອງລາວໂທລະໂຄງ, ລາຍການອອກອາກາດສົດ.
ໃນຂອບເຂດງານມະໂຫລານ ຍັງດຳເນີນຫຼາຍກິດຈະກຳວິຊາສະເພາະ, ວັດທະນະທຳ, ກິລາຢ່າງຟົດຟື້ນ, ສ້າງເວທີໃຫ້ຜູ້ເຮັດວຽກງານກະຈາຍສຽງ ຫວຽດນາມ ໄດ້ພົບປະ, ແລກປ່ຽນ ແລະ ແບ່ງປັນບົດຮຽນປະສົບການ ເຊິ່ງກັນ ແລະ ກັນ.
ໂດຍ: ກວຽດເຕິມ