ເປີດຕົວປຶ້ມຂອງທ່ານເລຂາທິການໃຫຍ່ ຫງວຽນຝູຈ້ອງ ກ່ຽວກັບການກໍ່ສ້າງ ແລະພັດທະນາພື້ນຖານວັດທະນະທຳຫວຽດນາມ
ກປ.ອອນໄລ - ຕອນບ່າຍວັນທີ 21 ມິຖຸນາ, ຢູ່ຮ່າໂນ້ຍ, ຄະນະໂຄສະນາສຶກສາສູນກາງ, ກະຊວງວັດທະນະທໍາ, ກິລາ ແລະທ່ອງທ່ຽວ, ສໍານັກພິມຈຳໜ່າຍການເມືອງແຫ່ງຊາດ ຄວາມຈິງ (ຊື້ເທິດ) ໄດ້ສົມທົບກັນຈັດຕັ້ງພິທີເປີດຕົວປຶ້ມ “ກໍ່ສ້າງ ແລະພັດທະນາພື້ນຖານວັດທະນະທໍາຫວຽດນາມ ກ້າວໜ້າ, ເຕັມໄປດ້ວຍສີສັນຊາດ” ຂອງທ່ານເລຂາທິການໃຫຍ່ ຫງວຽນຝູຈ້ອງ.
ປຶ້ມໄດ້ຄັດເລືອກ 92 ບົດຂຽນ, ບົດກ່າວປາໄສ, ບົດບັນທຶກ, ບົດສຳພາດ, ຈົດໝາຍ... ຂອງທ່ານເລຂາທິການໃຫຍ່ ຫງວຽນຝູຈ້ອງ ກ່ຽວກັບການກໍ່ສ້າງ ແລະພັດທະນາພື້ນຖານວັດທະນະທຳ ຫວຽດນາມ. ເນື້ອໃນຂອງບັນດາບົດກ່າວປາໄສ, ບົດຂຽນສະແດງໃຫ້ເຫັນຄວາມເອົາໃຈໃສ່ຢ່າງເລິກເຊິ່ງຂອງທ່ານເລຂາທິການໃຫຍ່ໃນການກໍ່ສ້າງ, ອະນຸລັກຮັກສາ ແລະພັດທະນາພື້ນຖານວັດທະນະທຳຫວຽດນາມ ດ້ວຍບັນດາປັດໄຈມູນເຊື້ອ ແລະທັນສະໄໝ, ສີສັນ ແລະການເຊື່ອມໂຍງ, ສ້າງກຳລັງໜູນພາຍໃນ ແລະລະດົມກຳລັງແຮງຂອງວັດທະນະທຳ, ປະຊາຊົນຫວຽດນາມ ໃນພາລະກິດກໍ່ສ້າງ, ພັດທະນາປະເທດໃຫ້ຈະເລີນຮຸ່ງເຮືອງ ແລະມີຄວາມສຸກ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/06/22/upload_2124/qtrang22062024_07.jpeg?dpi=150&quality=100&w=500) |
ຜູ້ແທນເຂົ້າຮ່ວມພິທີເປີດຕົວປຶ້ມຂອງທ່ານເລຂາທິການໃຫຍ່ ຫງວຽນຝູຈ້ອງ. ພາບ: ນາມຫງວຽນ |
ກ່າວຄຳເຫັນທີ່ພິທີ, ທ່ານ ຫງວຽນຈ້ອງເຫງ້ຍ, ກຳມະການກົມການເມືອງ, ເລຂາທິການສູນກາງພັກ, ຫົວໜ້າຄະນະໂຄສະນາສຶກສາສູນກາງ ຮຽກຮ້ອງໃຫ້ບັນດາອົງການສື່ມວນຊົນສຸມໃສ່ໂຄສະນາເຜີຍແຜ່ ແລະແນະນຳບັນດາເນື້ອໃນຂອງປຶ້ມໃຫ້ແກ່ພະນັກງານ, ສະມາຊິກພັກ, ໝູ່ປະຊາຊົນທຸກຊັ້ນວັນນະດ້ວຍຫຼາຍຮູບການ, ແທດຈິງ ແລະເໝາະສົມ. ບັນດາສະມາຄົມວັນນະຄະດີ - ສິລະປະ ຈັດຕັ້ງໃຫ້ຖັນແຖວພະນັກງານ, ສະມາຊິກພັກ, ສະມາຊິກສະມາຄົມຄົ້ນຄວ້າ, ຊາບຊືມເນື້ອໃນຂອງປຶ້ມຢ່າງເລິກເຊິ່ງ. ຄະນະພັກ, ອົງການຈັດຕັ້ງພັກ, ທຸກຂັ້ນ, ທຸກຂະແໜງ, ທ້ອງຖິ່ນຄົ້ນຄວ້າ, ຊາບຊຶມ, ຈັດຕັ້ງການຜັນຂະຫຍາຍບັນດາທັດສະນະຊີ້ນຳຂອງພັກ ແລະທ່ານເລຂາທິການໃຫຍ່ ຫງວຽນຝູຈ້ອງ ກ່ຽວກັບການກໍ່ສ້າງ ແລະພັດທະນາພື້ນຖານວັດທະນະທຳຫວຽດນາມ ກ້າວໜ້າ, ເຕັມໄປດ້ວຍສີສັນຊາດ; ປະກອບສ່ວນປະຕິບັດບັນດາໜ້າທີ່ກໍ່ສ້າງ ແລະພັດທະນາວັດທະນະທຳ, ປະຊາຊົນໃນໄລຍະຈະມາເຖິງຢ່າງຄົບຊຸດ ແລະມີປະສິດທິຜົນ.
ໂດຍ: ຈາງຫງວຽນ