ໄຂງານບຸນບັ້ງໄຟສາກົນດ່າໜັງ (DIFF) 2024
ກປ.ອອນໄລ - ຕອນຄໍ່າວັນທີ 8 ມິຖຸນາ, ງານບຸນບັ້ງໄຟສາກົນ ດ່າໜັງ (DIFF) 2024 ໄດ້ໄຂຂຶ້ນຢ່າງເປັນທາງການດ້ວຍຫົວຂໍ້ “ຄວາມຍອດຍິ່ງຂອງວັດທະນະທຳ” ເປີດສາກດ້ວຍການແຂ່ງຂັນລະຫວ່າງທີມປ້ອງກັນແຊ້ມ DIFF 2023 – ArtEventia (ຝຣັ່ງ) ແລະທີມເຈົ້າພາບ ດ່າໜັງ (ຫວຽດນາມ). ທ່ານພົນໂທ ເຈິ່ນກວາງເຟືອງ, ກໍາມະການສູນກາງພັກ, ຮອງປະທານສະພາແຫ່ງຊາດຫວຽດນາມ ເຂົ້າຮ່ວມພິທີເປີດ.
ດ້ວຍການສະແດງທີ່ມີຫົວຂໍ້ "ວາດຟ້ອນຂອງມັງກອນ", ທີມ ArtEventia (ຝຣັ່ງ) ໄດ້ຮັບແຮງບັນດານໃຈຈາກຮູບມັງກອນທີ່ມີຮູບຊົງມະຫັດສະຈັນດ້ວຍແສງສະຫວ່າງທີ່ນໍາເອົາລົມຫາຍໃຈຂອງວັດທະນະທໍາໄຟ, ວັດທະນະທໍາລາຕິນປະສົມປະສານກັບຄວາມປະທັບໃຈຂອງຝຣັ່ງ. ທີມ ດ່າໜັງ (ຫວຽດນາມ) ໄດ້ດຳເນີນລາຍການສະແດງດ້ວຍແສງສະຫວ່າງທີ່ມີຫົວຂໍ້ “ວາດຟ້ອນຂອງທ້ອງຟ້າ”, ດ້ວຍການສະແດງບັ້ງໄຟປະເພດຕ່າງໆກວ່າ 4.000 ດອກທີ່ມີການປະສົມປະສານກັບຫຼາຍຮ້ອຍສີສັນທີ່ແຕກຕ່າງ, ເຮັດໃຫ້ຜູ້ຊົມມີຄວາມປະທັບໃຈຕໍ່ການສະແດງທີ່ສວຍງາມຂອງແສງລະຫວ່າງ ແລະດົນຕີ, ສິລະປະ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/06/09/upload_2124/qtrang9062024_02.jpeg?dpi=150&quality=100&w=500) |
ການສະແດງບັ້ງໄຟ ໂດຍທີມ ດ່າໜັງ (ຫວຽດນາມ). ພາບ: ເງິນຮ່າ. |
ຈຸດພົ້ນເດັ່ນໃນຄືນເປີດ DIFF 2024 ແມ່ນການສະແດງສິລະປະກິລາ Jetski & Flyboards (ມີການປະສົມປະສານກັນຢ່າງຄ່ອງແຄ້ວຂອງການເຕັ້ນຢູ່ເທິງໜ້ານ້ຳ, ໃນອາກາດ, ແລະການສະແດງກິລາດ້ວຍການບັ້ງໄຟ), ສະແດງໂດຍນັກກິລາ Jetski ແລະ Flyboards ແຖວໜ້າໃນໂລກ.
ຫຼັງຈາກພິທີເປີດ, ໃນຄືນຕໍ່ໄປ, ຜູ້ຊົມຈະເປັນສັກຂີພິຍານການແຂ່ງຂັນລະຫວ່າງທີມ, ຄື: ອີຕາລີ - ອາເມລິກາ (ວັນທີ 15 ມິຖຸນາ) ດ້ວຍຫົວຂໍ້ “ບົດປະພັນທຳມະຊາດ”; ເຢຍລະມັນ-ໂປໂລຍ (ວັນທີ 22 ມິຖຸນາ) ດ້ວຍຫົວຂໍ້ “ຄວາມຮັກທີ່ມະຫັດສະຈັນ”; ຈີນ-ຟິນແລນ (ວັນທີ 29 ມິຖຸນາ), ຫົວຂໍ້ "ໂລກແຫ່ງແດນສະຫວັນ" ແລະຄືນສຸດທ້າຍໃນວັນທີ 13 ເດືອນກໍລະກົດ, ຫົວຂໍ້ "ຈັ່ງຫວະການເຕັ້ນໃນອະນາຄົດ".
ໂດຍ: ຈາງຫງວຽນ