ນາຍົກລັດຖະມົນຕີ ຟ້າມມິງຈີ໊ງ ເຮັດວຽກກັບຄະນະປະຈຳພັກແຂວງຕຽນຢາງ
ກປ.ອອນໄລ - ແຂວງຕຽນຢາງ ກໍ່ຄວນສຸມໃສ່ການປະຕິຮູບດ້ານບໍລິຫານ, ປັບປຸງສະພາບແວດລ້ອມແຫ່ງການລົງທຶນ, ດໍາເນີນທຸລະກິດ…
ໂດຍສືບຕໍ່ລາຍການເຮັດວຽກຢູ່ແຂວງຕຽນຢາງ, ຕອນບ່າຍວັນທີ 24 ມີນາ, ທ່ານ ຟ້າມມິງຈີ໊ງ ນາຍົກລັດຖະມົນຕີຫວຽດນາມ ໄດ້ເຮັດວຽກກັບຄະນະປະຈຳພັກແຂວງຕຽນຢາງ ກ່ຽວກັບການປະຕິບັດໜ້າທີ່ພັດທະນາເສດຖະກິດ-ສັງຄົມ ແລະທິດທາງ, ໜ້າທີ່ໃນໄລຍະຈະມາເຖິງ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/03/25/upload_2122/25032024_th_010.jpg?dpi=150&quality=100&w=500) |
ທ່ານ ຟ້າມມິງຈີ໊ງ ນາຍົກລັດຖະມົນຕີຫວຽດນາມ ກ່າວຄໍາເຫັນທີ່ການເຮັດວຽກ. ພາບ: vov.vn |
ທ່ານນາຍົກລັດຖະມົນຕີ ສະເໜີໃຫ້ແຂວງຕຽນຢາງ ພັດທະນາໄວ ແລະຍືນຍົງກວ່າອີກໂດຍອີງໃສ່ວິທະຍາສາດເຕັກນິກ, ເສດຖະກິດແບ່ງປັນ, ການຫັນເປັນສີຂຽວ; ເສດຖະກິດສີຂຽວ, ດີຈີຕອນ, ເສດຖະກິດໝູນວຽນ, ການພັດທະນາການຄ້າເອເລັກໂຕນິກ; ຂຸດຄົ້ນຄວາມສາມາດບົ່ມຊ້ອນ, ທ່າໄດ້ປຽບໃຫ້ໄດ້ຢ່າງສຸດຂີດ; ເອົາໃຈໃສ່ເປັນພິເສດເຖິງການຮັບປະກັນຄວາມກົມກຽວ, ສະໜິດຕິດພັນລະຫວ່າງການພັດທະນາເສດຖະກິດ-ວັດທະນະທໍາ-ສັງຄົມ ແລະການປົກປັກຮັກສາສິ່ງແວດລ້ອມຊີວະພາບຕິດພັນກັບການຮັບປະກັນການປ້ອງກັນຊາດ-ປ້ອງກັນຄວາມສະຫງົບ.
ແຂວງຕຽນຢາງ ກໍ່ຄວນສຸມໃສ່ການປະຕິຮູບດ້ານບໍລິຫານ, ປັບປຸງສະພາບແວດລ້ອມແຫ່ງການລົງທຶນ, ດໍາເນີນທຸລະກິດ, ຍົກສູງກຳລັງຄວາມສາມາດແກ່ງແຍ້ງ ແລະເຊື່ອມໂຍງເຂົ້າກັບສາກົນ. ໃນນັ້ນສຸມໃສ່ກໍ່ສ້າງ, ເສີມຂະຫຍາຍປະສິດທິຜົນຂອງເຂດທີ່ເປັນກໍາລັງໜູນດ້ານເສດຖະກິດຂອງແຂວງ; ຍົກສູງປະສິດທິຜົນໃນການດຶງດູດ ແລະນຳໃຊ້ເງິນລົງທຶນ; ຍູ້ແຮງການປະຕິຮູບລະບຽບການບໍລິຫານ, ປັບປຸງສະພາບແວດລ້ອມແຫ່ງການລົງທຶນ, ການດຳເນີນທຸລະກິດ.
ໂດຍ: ກວຽດເຕິມ