ໄຂ “ສັບປະດາວັດທະນະທຳ ສ.ເກົາຫຼີ ຢູ່ ກວ໋າງນາມ, ໂຮ້ຍອານ 2021”
ຕອນຄ່ຳວັນທີ 10 ເມສາ, ຢູ່ນະຄອນ ໂຮ້ຍອານ (ແຂວງ ກວ໋າງນາມ) ໄດ້ໄຂລາຍການ “ສັບປະດາວັດທະນະທຳ ສ.ເກົາຫຼີ ຢູ່ ກວ໋າງນາມ, ໂຮ້ຍອານ ປີ 2021” ຂຶ້ນຢ່າງຟົດຟື້ນມ່ວນຊື່ນ ໂດຍມີການປະກອບສ່ວນຂອງບັນດານັກສິລະປິນທີ່ມີຊື່ສຽງຂອງ ສ.ເກົາຫຼີ ອັນໄດ້ດຶງດູດປະຊາຊົນ ແລະ ແຂກທ່ອງທ່ຽວມາຊົມເປັນຈຳນວນຫຼາຍ.
|
|
ລາຍການສະແດງສິລະປະຈາກນັກສິລະປິນ ສ:ເກົາຫຼີ ໃນພິທີໄຂ. |
ກ່າວຄຳເຫັນທີ່ພິທີ, ທ່ານ Park Noh-wan ເອກອັກຄະລັດຖະທູດ ສ.ເກົາຫຼີ ປະຈຳ ຫວຽດນາມ ຢັ້ງຢືນວ່າ ຫວຽດນາມ ແລະ ສ.ເກົາຫຼີ ພວມພ້ອມກັນເພີ່ມພູນຄູນສ້າງອະນາຄົດໃຫ້ສົດໃສກວ່າ.
“ເຫດການດັ່ງກ່າວແມ່ນສັນຍະລັກໃຫ້ແກ່ນ້ຳໃຈໄມຕີຈິດມິດຕະພາບທີ່ເລິກເຊິ່ງລະຫວ່າງ ຫວຽດນາມ ແລະ ສ.ເກົາຫຼີ, ພິເສດແມ່ນໃນສະພາບການທີ່ 2 ປະເທດໃກ້ຈະສະເຫຼີມສະຫຼອງວັນສ້າງຕັ້ງການພົວພັນທາງການທູດຄົບຮອບ 30 ປີ. ຂ້າພະເຈົ້າຫວັງວ່າເຫດການຄັ້ງນີ້ຈະກາຍເປັນຄວາມຊົງຈຳທີ່ມີຄວາມສຸກ, ຄວາມມ່ວນຊື່ນກັບປະຊາຊົນ ກວ໋າງນາມ. ນີ້ກໍແມ່ນໂອກາດເພື່ອໃຫ້ພວກເຮົາພ້ອມກັນແກ້ໄຂບັນດາຄວາມຫຍຸ້ງຍາກເພື່ອເຊື່ອມຕໍ່ຕະຫຼາດທ່ອງທ່ຽວລະຫວ່າງສອງປະເທດ, ພິເສດແມ່ນການມາທ່ຽວໂຮ້ຍອານ ພາຍຫຼັງໂລກລະບາດໂຄວິດ-19.”
ແຫຼ່ງຄັດຈາກ: vovworld.vn