ປຸກລະດົມວັນແລ່ນໂອແລມປິກ ເພື່ອສຸຂະພາບທົ່ວປວງຊົນປີ 2021
ກປ.ອອນໄລ - ວັນທີ 28 ມີນາ, ກະຊວງວັດທະນະທໍາ, ກິລາ ແລະທ່ອງທ່ຽວຫວຽດນາມ ໄດ້ສົມທົບກັບຄະນະກໍາມະການປະຊາຊົນນະຄອນໂຮ່ຈີມິນ, ສູນກາງຄະນະຊາວໜຸ່ມກອມມູນິດໂຮ່ຈີມິນ ຈັດຕັ້ງການປຸກລະດົມ “ທົ່ວປວງຊົນຝຶກຝົນຫຼໍ່ຫຼອມຮ່າງກາຍຕາມແບບຢ່າງລຸງໂຮ່ ຜູ້ຍິ່ງໃຫຍ່” ໄລຍະ 2021-2030 ແລະວັນແລ່ນໂອແລມປິກເພື່ອສຸຂະພາບທົ່ວປວງຊົນປີ 2021.
ກະຊວງວັດທະນະທໍາ, ກິລາ ແລະທ່ອງທ່ຽວຫວຽດນາມ ສະເໜີບັນດາອົງການ, ຫົວໜ່ວຍ, ທ້ອງຖິ່ນສືບຕໍ່ເອົາໃຈໃສ່, ເບິ່ງແຍງດູແລການພັດທະນາກິລາກາຍຍະກໍາ, ຍູ້ແຮງການເຄື່ອນໄຫວກິລາກາຍຍະກໍາຢູ່ຮາກຖານ, ເປີດກວ້າງ ແລະຍົກສູງປະສິດທິຜົນຂະບວນການກິລາກາຍຍະກໍາມະຫາຊົນ. ພ້ອມທັງ, ລະດົມກໍາລັງແຮງຂອງທົ່ວສັງຄົມເບິ່ງແຍງດູແລການພັດທະນາກິລາກາຍຍະກໍາ, ສ້າງເງື່ອນໄຂສະດວກເພື່ອພັດທະນາປະເພດກິລາໃນໂຮງຮຽນ, ກໍາລັງປະກອບອາວຸດ, ເປົ້າໝາຍຄົນອາຍຸສູງ, ຄົນພິການ, ກຳມະກອນ, ຜູ້ອອກແຮງງານ...
|
|
ວັນແລ່ນດຶງດູດບັນດາອົງການ, ຫົວໜ່ວຍ, ປະຊາຊົນທຸກຊັ້ນຄົນເຂົ້າຮ່ວມເປັນຈໍານວນຫຼວງຫຼາຍ. ພາບ: ຮຸ່ງຄວາ. |
ເນື່ອງໃນໂອກາດນີ້, ກະຊວງວັດທະນະທໍາ, ກິລາ ແລະທ່ອງທ່ຽວຫວຽດນາມໄດ້ມອບໃບຍ້ອງຍໍໃຫ້ບັນດາໝູ່ຄະນະທີ່ມີຜົນງານດີເດັ່ນໃນການຜັນຂະຫຍາຍລາຍການລອຍປອດໄພ, ປ້ອງກັນ, ຕ້ານການຈົມນ້ຳ (2016-2020). ຄະນະກໍາມະການປະຊາຊົນນະຄອນໂຮ່ຈີມິນ ຍ້ອງຍໍບັນດາໝູ່ຄະນະ, ສ່ວນບຸກຄົນບັນລຸໄດ້ຜົນງານດີເດັ່ນໃນການຊີ້ນໍາ, ຜັນຂະຫຍາຍການປະຕິບັດບັ້ນຂົນຂວາຍ “ທົ່ວປວງຊົນຝຶກຝົນຫຼໍ່ຫຼອມຮ່າງກາຍຕາມແບບຢ່າງລຸງໂຮ່ ຜູ້ຍິ່ງໃຫຍ່” ໄລຍະ 2021-2030. ພ້ອມກັນນັ້ນ, ນັກຮຽນນະຄອນກວ່າ 1.200 ຄົນຮ່ວມສະແດງກິລາລວມໝູ່ເພື່ອລະດົມກຳລັງໃຈໃຫ້ເຫດການ.
ໂດຍ: ເຈິ່ນຮວ່ຽນ