ວາດພາບຄືນ ໄຊຊະນະທາງເລກ 9 - ພາກໃຕ້ ລາວ ຜ່ານລາຍການສະແດງສິລະປະ “ເທິງຈອມພູຫຼວງ” ຢ່າງມີຊີວິດຊີວາ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນໄຊຊະນະທາງເລກ 9 - ພາກໃຕ້ ລາວ (1971-2021), ສະຖານີໂທລະພາບຫວຽດນາມ ສົມທົບກັບກົມໃຫຍ່ການເມືອງກອງທັບປະຊາຊົນຫວຽດນາມ ຈັດຕັ້ງລາຍການສະແດງສິລະປະ “ເທິງຈອມພູຫຼວງ”. ລາຍການຈະໄດ້ຖ່າຍທອດສົດ ໃນເວລາ 20 ໂມງ 10 ນາທີ ຂອງວັນທີ 21 ມີນາ ຊ່ອງ VTV1.
    |
 |
|
ໂລໂກ ແນະນໍາລາຍການສະແດງສິລະປະ. ພາບ: ເວືອງຮ່າ. |
ໄຊຊະນະທາງເລກ 9 - ພາກໃຕ້ລາວ ປີ 1971 ແມ່ນໜຶ່ງໃນບັນດາເຫດການປະຫວັດສາດທີ່ມີລັກສະນະຍຸດທະສາດ, ສ້າງທ່າ ແລະກໍາລັງແຮງໃຫ້ແກ່ການບຸກໂຈມຕີຄັ້ງໃຫຍ່ ແລະລຸກຮືຂຶ້ນໃນລະດູບານໃໝ່ປີ 1975. ບໍ່ພຽງແຕ່ເປັນບັ້ນຮົບທໍາມະດາເທົ່ານັ້ນ, ທາງເລກ 9 - ພາກໃຕ້ລາວ ຍັງແມ່ນບັ້ນຮົບທີ່ມີລັກສະນະຫັນປ່ຽນສະຖານະການ, ແມ່ນໜຶ່ງໃນບັນດາບັ້ນຮົບໃຫຍ່ຂອງກອງທັບ ແລະປະຊາຊົນເຮົາ ໃນພາລະກິດຕໍ່ສູ້ຕ້ານຈັກກະພັດອາເມລິກາ, ກູ້ຊາດ, ສະແດງໃຫ້ເຫັນສະຕິປັນຍາ, ເຈດຈໍານົງອົງອາດກ້າແກ່ນ, ນໍ້າໃຈຮັກຊາດ, ນໍ້າໃຈພິລະອາດຫານ, ຍອມເສຍສະຫຼະຊີວິດເພື່ອປົກປັກຮັກສາປະເທດຊາດ...
ລາຍການຈະວາດພາບຄືນເຫດການປະຫວັດສາດຜ່ານບັນດາຮູບເງົາສາລະຄະດີດ້ວຍບັນດາແງ່ມູມທີ່ໃໝ່ອ່ຽມ, ການສໍາພາດຕົວພະຍານປະຫວັດສາດ, ການພົບປະແລກປ່ຽນກັບຕົວພະຍານຢູ່ເວທີສະແດງເພື່ອຍົກອອກໄຊຊະນະຂອງກອງທັບ ແລະປະຊາຊົນເຮົາໃນວິວັດການປົກປັກຮັກສາເສັ້ນທາງຂົນສົ່ງຍຸດທະສາດທີ່ໃສ່ຊື່ວ່າທາງໂຮ່ຈິ້ມິນ...
ໂດຍ: ໄຊຊະນະ