ບັນດາວິສາຫະກິດຍີ່ປຸ່ນ ປາດຖະໜາຢາກເປີດກວ້າງການລົງທຶນ, ດຳເນີນທຸລະກິດຢູ່ ຫວຽດນາມ

ທ່ານ ຫງວຽນມີງຫວູ ຮອງລັດຖະມົນຕີຜູ້ປະຈໍາການກະຊວງການຕ່າງປະເທດຫວຽດນາມ ຕ້ອນຮັບທ່ານ Yoneda Gen, ຫົວໜ້າກົມອາຊີຕາເວັນອອກສ່ຽງໃຕ້-ປາຊີຟິກ, ອົງການຮ່ວມມືສາກົນຍີ່ປຸ່ນ (JICA). ພາບ: baoquocte.vn

ທ່ານ ຫງວຽນມີງຫວູ ໄດ້ຕີລາຄາສູງຕໍ່ບົດບາດ ແລະການປະກອບສ່ວນອັນແທດຈິງຂອງ JICA ຕໍ່ການພັດທະນາຂອງຫວຽດນາມ ໃນກວ່າ 3 ທົດສະວັດຜ່ານມາ; ພ້ອມທັງສະເໜີສອງຝ່າຍສືບຕໍ່ສົມທົບກັນຢ່າງແໜ້ນແຟ້ນເພື່ອຊຸກຍູ້ຄວາມຄືບໜ້າຂອງໂຄງການຮ່ວມມື ຄືຂໍ້ຕົກລົງຂອງການນໍາຂັ້ນສູງ, ຮັບປະກັນການລົງມືກໍ່ສ້າງຖືກຕ້ອງຕາມກໍານົດເວລາຕາມຄຳໝັ້ນສັນຍາຂອງສອງຝ່າຍ. ທ່ານ Yoneda Gen ຂອບໃຈການຮ່ວມມືຂອງກະຊວງການຕ່າງປະເທດຫວຽດນາມ ໃນການຊຸກຍູ້ການຜັນຂະຫຍາຍໂຄງການ ODA ຂອງຍີ່ປຸ່ນ ຢູ່ຫວຽດນາມ ຢ່າງຕັ້ງໜ້າ ແລະມີປະສິດທິຜົນ; ຢືນຢັນວ່າ JICA ຍາມໃດກໍ່ຖືເປັນສໍາຄັນການພົວພັນ ຍີ່ປຸ່ນ-ຫວຽດນາມ; ໃຫ້ຮູ້ວ່າບັນດາວິສາຫະກິດຍີ່ປຸ່ນ ຕີລາຄາສູງຕໍ່ຜົນງານພັດທະນາເສດຖະກິດ-ສັງຄົມຂອງຫວຽດນາມ ແລະປາດຖະໜາຢາກເປີດກວ້າງການລົງທຶນ, ດຳເນີນທຸລະກິດຢູ່ຫວຽດນາມ ໃນໄລຍະຈະມາເຖິງ; ຢືນຢັນວ່າ JICA ຈະສືບຕໍ່ມານະພະຍາຍາມໜູນຊ່ວຍການພັດທະນາຂອງຫວຽດນາມ; ສົມທົບຢ່າງແໜ້ນແຟ້ນກັບບັນດາກະຊວງ, ຂະແໜງການ, ອົງການທີ່ກ່ຽວຂ້ອງຂອງຫວຽດນາມ ຍູ້ແຮງຄວາມຄືບໜ້າບັນດາໂຄງການຮ່ວມມື ODA ທີ່ສຳຄັນ...

ໂດຍ: ມ໋ອດ ແກ້ວກອງສີ