ທ່ານນາຍົກລັດຖະມົນຕີ ເປັນປະທານກອງປະຊຸມຜັນຂະຫຍາຍແຜນລົງທຶນທາງລົດໄຟຄວາມໄວສູງເໜືອ-ໃຕ້
ກປ.ອອນໄລ - ວັນທີ 11 ກໍລະກົດ, ຢູ່ຮ່າໂນ້ຍ, ທ່ານ ຟ້າມມິງຈິ໊ງ ນາຍົກລັດຖະມົນຕີ ໄດ້ເປັນປະທານກອງປະຊຸມລັດຖະບານປະຈຳເດືອນ ກັບບັນດາກະຊວງ, ຂະແໜງການກ່ຽວກັບແຜນລົງທຶນກໍ່ສ້າງທາງລົດໄຟຄວາມໄວສູງເໜືອ - ໃຕ້.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/12/upload_2123/ttgchutrihopvechutruongdautuduongsattocdocaobacnam1-17207494301201516440282.jpeg?dpi=150&quality=100&w=500) |
ທ່ານນາຍົກລັດຖະມົນຕີ ຟ້າມມິງຈິ໊ງ ເປັນປະທານກອງປະຊຸມ. ພາບ: baochinhphu.vn |
ທີ່ກອງປະຊຸມ, ທ່ານນາຍົກລັດຖະມົນຕີ ຢືນຢັນວ່າ ການສ້າງແຜນອີງໃສ່ຄວາມຮຽກຮ້ອງຕ້ອງການຕົວຈິງ, ເມື່ອຄວາມຕ້ອງການຂົນສົ່ງຫຼາຍທີ່ສຸດ. ການພັດທະນາການຄົມມະນາຄົມ, ລວມທັງທາງລົດໄຟຄວາມໄວສູງເໜືອ - ໃຕ້, ຈະຫຼຸດຜ່ອນຄ່າຂົນສົ່ງ, ຫຼຸດຜ່ອນລາຄາ ແລະເພີ່ມຄວາມສາມາດໃນການແກ່ງແຍ້ງສິນຄ້າ.
ທ່ານນາຍົກລັດຖະມົນຕີ ຮຽກຮ້ອງໃຫ້ບັນດາກະຊວງ, ຂະແໜງການທີ່ກ່ຽວຂ້ອງ ຈົ່ງຮັບເອົາຄຳເຫັນປະກອບຈາກບັນດາກະຊວງ, ອົງການທີ່ເຂົ້າຮ່ວມກອງປະຊຸມ ແລະບັນດານັກຊ່ຽວຊານ, ນັກວິທະຍາສາດ ແລະບົດຮຽນປະສົບການທີ່ເໝາະສົມຈາກສາກົນ; ສືບຕໍ່ປະສານສົມທົບກັນຢ່າງແໜ້ນແຟ້ນ, ດຳເນີນການປັບປຸງແຜນຮ່າງໃຫ້ສຳເລັດໃນໄລຍະໄວທີ່ສຸດ.
ພ້ອມກັບການພັດທະນາແຜນຮ່າງ, ຕ້ອງຊຸກຍູ້ການຖ່າຍທອດເຕັກໂນໂລຢີ ແລະການຄຸ້ມຄອງທີ່ສະຫຼາດ ແລະທັນສະໄໝໃນການຄຸ້ມຄອງ, ຂຸດຄົ້ນການຂົນສົ່ງ ແລະໂຄງລ່າງ; ຈັດຕັ້ງການກໍ່ສ້າງຊັບພະຍາກອນມະນຸດ, ຕິດພັນກັບການພັດທະນາອຸດສາຫະກໍາທາງລົດໄຟ ແລະລະບົບນິເວດທາງລົດໄຟດ້ວຍຂັ້ນຕອນທີ່ເໝາະສົມ.
ທາງລົດໄຟຄວາມໄວສູງເໜືອ-ໃຕ້ ມີຄວາມຍາວກວ່າ 1.540 ກິໂລແມັດ, ຜ່ານ 20 ແຂວງ ແລະນະຄອນຂຶ້ນກັບສູນກາງ; ຜັນຂະຫຍາຍໃນຮອບ10 ປີແຕ່ປີ 2025 ຮອດປີ 2035 ດ້ວຍຍອດຈຳນວນເງິນລົງທຶນປະມານ 67 ຕື້ໂດລາສະຫະລັດ.
ໂດຍ: ໄຊນີດາ