ທີ່ການເຮັດວຽກ, ທ່ານເອກອັກຄະລັດຖະທູດ ເລຢູງ ຢັ້ງຢືນວ່າ ບົດບັນທຶກຊ່ວຍຈໍາລະຫວ່າງກະຊວງອຸດສາຫະກໍາ ແລະການຄ້າຫວຽດນາມ ແລະກະຊວງເສດຖະກິດ ແລະດີຈີຕອນໂອຕະລິດ ກ່ຽວກັບການຮ່ວມມືໃນຂົງເຂດອຸດສາຫະກໍາ 4.0 ແລະການຄ້າເອເລັກໂຕນິກ ທີ່ໄດ້ຮັບການລົງນາມດ້ວຍການເປັນສັກຂີພິຍານຂອງນາຍົກລັດຖະມົນຕີສອງທ່ານ ນັ້ນແມ່ນພື້ນຖານສໍາຄັນເພື່ອໃຫ້ສອງຝ່າຍຜັນຂະຫຍາຍບັນດາກິດຈະການຮ່ວມມືໃນໄລຍະຈະມາເຖິງ.

ສ່ວນທ່ານ Michael Esterl ເນັ້ນໜັກວ່າ ກົນໄກປຶກສາຫາລືປະຈໍາໄລຍະ 3 ເດືອນເທື່ອໜຶ່ງລະຫວ່າງກະຊວງເສດຖະກິດ ແລະດີຈີຕອນໂອຕະລິດ ກັບສະຖານທູດຫວຽດນາມ ມີຄວາມໝາຍສໍາຄັນໃນການແລກປ່ຽນນະໂຍບາຍ, ກົດໝາຍວ່າດ້ວຍການຄ້າ, ການລົງທຶນ ແລະຂໍ້ມູນກ່ຽວກັບຕະຫຼາດຂອງແຕ່ລະປະເທດ. ນີ້ແມ່ນເງື່ອນໄຂເພື່ອໃຫ້ວິສາຫະກິດສອງປະເທດຍູ້ແຮງການຮ່ວມມື, ຊອກຫາກາລະໂອກາດດໍາເນີນທຸລະກິດຢູ່ຕະຫຼາດຂອງກັນ.

leftcenterrightdel
ພາບປະກອບຈາກ: ສໍານັກຂ່າວສານຫວຽດນາມ.

ກ່ຽວກັບການຮ່ວມມືໃນໄລຍະຈະມາເຖິງ, ທ່ານ Michael Esterl ໃຫ້ຮູ້ວ່າ ສ.ໂອຕະລິດ ພວມປະຕິບັດບັນດາລະບຽບການເພື່ອໃຫ້ສັດຕະຍາບັນສັນຍາປົກປ້ອງການລົງທຶນລະຫວ່າງຫວຽດນາມ ແລະອີຢູ (EVIPA) ໂດຍໄວ. ທ່ານເອກອັກຄະລັດຖະທູດ ເລຢູງ ສະແດງຄວາມຂອບອົກຂອບໃຈຕໍ່ການສະໜັບສະໜູນຂອງ ສ.ໂອຕະລິດ ແລະຖືວ່າ ບັນດາວິສາຫະກິດໂອຕະລິດ ມີກາລະໂອກາດ ແລະແງ່ຫວັງຫຼາຍຢ່າງເມື່ອລົງທຶນເຂົ້າຫວຽດນາມໃນອະນາຄົດ. ດ້ວຍພົນລະເມືອງ 97 ລ້ານຄົນ, ຫວຽດນາມ ແມ່ນຕະຫຼາດທີ່ມີຄວາມສາມາດບົ່ມຊ້ອນເພື່ອໃຫ້ບັນດາວິສາຫະກິດຂອງໂອຕະລິດ ໂຄສະນາຜະລິດຕະພັນ ແລະເປີດກວ້າງການເຄື່ອນໄຫວດໍາເນີນທຸລະກິດ. ຍິ່ງກວ່ານັ້ນ, ຫວຽດນາມ ກໍ່ແມ່ນປະຕູເພື່ອໃຫ້ຜະລິດຕະພັນ, ການບໍລິການຂອງໂອຕະລິດ ສໍາຜັດກັບຕະຫຼາດອາຊຽນ. ດ້ວຍທ່າໄດ້ປຽບແມ່ນໜຶ່ງໃນບັນດາສະຖານທີ່ເຊິ່ງບັນດາວິສາຫະກິດພວມມຸ່ງເຖິງໃນຍຸດທະສາດດໍາເນີນທຸລະກິດ “ຈີນ+1”, ແນ່ນອນວ່າ, ຫວຽດນາມ ຈະມີບັນດານະໂຍບາຍບຸລິມະສິດທີ່ເໝາະສົມເພື່ອດຶງດູດການລົງທຶນຈາກຕ່າງປະເທດ. ສໍາລັບບັນດາວິສາຫະກິດໂອຕະລິດ, ເລື່ອງສັນຍາ EVIPA ມີຜົນສັກສິດໂດຍໄວຈະສ້າງທ່າໄດ້ປຽບໃນການແກ່ງແຍ້ງຫຼາຍທີ່ສຸດເມື່ອລົງທຶນເຂົ້າຫວຽດນາມ.

ໂດຍ: ທູຈາງ