ຂໍ້ຕົກລົງ RCEP ຈະນຳຜົນປະໂຫຍດມາໃຫ້ຝ່າຍຕ່າງໆ
ກປ.ອອນໄລ - RCEP ຈະແມ່ນຂໍ້ຕົກລົງການຄ້າ “ມີມູນຄ່າເພີ່ມສູງ” ຫຼື ສາມາດເອີ້ນວ່າແມ່ນ “WTO+” ສໍາລັບບັນດາປະເທດສະມາຊິກ.
ທ່ານ Michael Gautama ປະທານຄະນະກໍາມະການການຄ້າສິງກະໂປ ສັງກັດຫ້ອງການການຄ້າ ແລະອຸດສາຫະກໍາອິນໂດເນເຊຍ (KADIN) ຖືວ່າສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ແມ່ນຂໍ້ຕົກລົງການຄ້າສໍາຄັນທີ່ສຸດ.
|
|
ບັນດາປະເທດເຂົ້າຮ່ວມ RCEP. ພາບ: ASEAN. |
ທ່ານປອ Michael Gautama ຕີລາຄາວ່າ RCEP ແມ່ນແນວຄວາມຄິດທີ່ດີ ແລະຈະນຳຜົນປະໂຫຍດມາໃຫ້ປະຊາຊົນ, ໃຫ້ປະເທດຕ່າງໆ ແລະບັນດາຂະແໜງອຸດສາຫະກໍາ. ທ່ານກໍ່ສະແດງຄວາມເຊື່ອໝັ້ນວ່າຂໍ້ຕົກລົງນີ້ຈະໄດ້ຮັບການເຊັນກັນໃນເດືອນພະຈິກຈະມາເຖິງເພື່ອສ້າງເປັນກຸ່ມເສດຖະກິດໃຫຍ່ທີ່ສຸດ.
ສ່ວນທ່ານ Juan Gondokusumo, ປະທານຄະນະກໍາມະການການຄ້າກໍາປະເຈຍ, ລາວ, ມຽນມາ ແລະຫວຽດນາມ ສັງກັດ KADIN ໄດ້ຕີລາຄາສູງເປົ້າໝາຍ ແລະເນື້ອໃນຈິດໃຈຂອງ RCEP, ພ້ອມທັງເຊື່ອໝັ້ນວ່າຂໍ້ຕົກລົງຫຼາຍຝ່າຍນີ້ຈະໄດ້ຮັບການປະຕິບັດສໍາເລັດໃນທ້າຍປີນີ້ຖືກຕາມແຜນການທີ່ໄດ້ວາງອອກ.
ທ່ານ Juan Gondokusumo ຍັງເນັ້ນໜັກວ່າ RCEP ຈະແມ່ນຂໍ້ຕົກລົງການຄ້າ “ມີມູນຄ່າເພີ່ມສູງ” ຫຼື ສາມາດເອີ້ນວ່າແມ່ນ “WTO+” ສໍາລັບບັນດາປະເທດສະມາຊິກເພື່ອແນໃສ່ບັນລຸໄດ້ການພົວພັນຄູ່ຮ່ວມມືເສດຖະກິດຮອບດ້ານ, ກວມເອົາບັນດາບັນຫາຄື: ການຄ້າ, ການລົງທຶນ, ການຮ່ວມມືເຕັກໂນໂລຢີ, ຊັບສິນທາງປັນຍາ, ການແກ່ງແຍ້ງກັນ, ການຄ້າເອເລັກໂຕນິກ ແລະການແກ້ໄຂການແກ່ງແຍ້ງ.
ໂດຍ: ດັ້ງເກື່ອງ