ຫວຽດນາມ ສາມາດນໍາໜ້າອາຊີຕາເວັນອອກສ່ຽງໃຕ້ກ່ຽວກັບພະລັງງານແບບຍືນຍົງ
ກປ.ອອນໄລ - ຫວ່າງແລ້ວນີ້ໃນຂອບເຂດການຢ້ຽມຢາມບໍລິສັດ Shire Oak International ເຊິ່ງເປັນນັກລົງທຶນ ແລະພັດທະນາພະລັງງານແສງຕາເວັນທີ່ໄດ້ສ້າງຕັ້ງຂຶ້ນຢູ່ອັງກິດ, ມີສໍານັກງານເຮັດວຽກຢູ່ນະຄອນໂຮ່ຈີມິນ, ທ່ານ Gareth Ward ເອກອັກຄະລັດຖະທູດອັງກິດ ປະຈໍາ ຫວຽດນາມ ໃຫ້ຂໍ້ສັງເກດວ່າ ຫວຽດນາມ ມີຄວາມພ້ອມແລ້ວເພື່ອກາຍເປັນຜູ້ນໍາຂອງພາກພື້ນອາຊີຕາເວັນອອກສ່ຽງໃຕ້ໃນການຫັນປ່ຽນໄປສູ່ແຫຼ່ງພະລັງງານແບບຍືນຍົງ.