VKBIA ເຊື່ອມຕໍ່, ໜູນຊ່ວຍບັນດາວິສາຫະກິດ ຫວຽດນາມ ແລະສ.ເກົາຫຼີ

VKBIA ໄດ້ຮັບການສ້າງຕັ້ງດ້ວຍຈຸດປະສົງສ້າງສະພາບແວດລ້ອມເພື່ອເຊື່ອມຕໍ່, ຮ່ວມມື, ແລກປ່ຽນຂໍ້ມູນຂ່າວສານລະຫວ່າງບັນດາວິສາຫະກິດ, ນັກທຸລະກິດ, ນັກຊ່ຽວຊານ, ປັນຍາຊົນ ຫວຽນາມ - ສ.ເກົາຫຼີ; ພົບປະແລກປ່ຽນຮ່ວມມື ແລະພັດທະນາກັບບັນດາສະຫະສະມາຄົມ, ອົງການຈັດຕັ້ງຢູ່ ສ.ເກົາຫຼີ, ຫວຽດນາມ ແລະບັນດາປະເທດອື່ນ, ສະນັ້ນ ຈຶ່ງ ຊຸກຍູ້ການພົວພັນຮ່ວມມືພ້ອມກັນພັດທະນາໃນບັນດາຂົງເຂດເສດຖະກິດ, ການຄ້າ, ວິທະຍາສາດເຕັກໂນໂລຢີ, ວັດທະນະທໍາ ແລະການສຶກສາ, ... ປະກອບສ່ວນເຂົ້າໃນພາລະກິດພັດທະນາເສດຖະກິດ-ສັງຄົມຂອງ 2 ປະເທດ ຫວຽດນາມ - ສ.ເກົາຫຼີ.

ທ່ານ ເຈິ່ນຫາຍລິງ ກ່າວຄໍາເຫັນທີ່ພິທີ. ພາບ: ໝີ້ແຮ້ງ.

ທີ່ພິທີເປີດນໍາໃຊ້, ທ່ານ ເຈິ່ນຫາຍລິງ ປະທານ VKBIA ໃຫ້ຮູ້ວ່າ, VKBIA ຕັ້ງສໍານັກງານຢູ່ຫວຽດນາມຈະເປັນຂົວຕໍ່, ສຸມໃສ່ເຊື່ອມຕໍ່ວິສາຫະກິດ, ນັກທຸລະກິດຫວຽດນາມ ກັບຕະຫຼາດ ສ.ເກົາຫຼີ ແລະໄກກວ່າແມ່ນກັບສາກົນ. ດ້ວຍພາລະກໍາແຜ່ຂະຫຍາຍ, ເຊື່ອມຕໍ່ການຮ່ວມມືແລກປ່ຽນການຄ້າ, ເຕັັກໂນໂລຢີ, ວັດທະນະທໍາ.. VKBIA ຈະສືບຕໍ່ຜັນຂະຫຍາຍບັນດາລາຍການເຊື່ອມຕໍ່, ໜູນຊ່ວຍບັນດາວິສາຫະກິດຫວຽດນາມ ແລະ ສ.ເກົາຫຼີ...

ພິທີລົງນາມການຮ່ວມມືກັບມະຫາວິທະຍາໄລ ດ້າຍນາມ. ພາບ: ໝີ້ແຮ້ງ.

ກໍໃນຕອນເຊົ້າຂອງວັນທີ 12 ມິຖຸນາ, VKBIA ໄດ້ຈັດຕັ້ງພິທີລົງນາມການຮ່ວມມືກັບມະຫາວິທະຍາໄລ ດ້າຍນາມ ເພື່ອແນໃສ່ໜູນຊ່ວຍນັກສຶກສາທີ່ຮຽນຢູ່ພະແນກພາສາ ສ.ເກົາຫຼີ ເມື່ອຮຽນຈົບຈະມີໂອກາດເຮັດວຽກຢູ່ບັນດາບໍລິສັດ, ກຸ່ມບໍລິສັດຂອງ ສ.ເກົາຫຼີ ຢູ່ຫວຽດນາມ ຫຼື ຢູ່ ສ.ເກົາຫຼີ.

ໂດຍ: ໄຊຊະນະ