ທະຫານເຂດ 2 ມອບ-ຮັບກິດຈະການກໍ່ສ້າງ ຢູ່ແຂວງຜົ້ງສາລີ

ເຂົ້າຮ່ວມພິທີມີທ່ານພົນຈັດຕະວາ ຫງວຽນແອັງຫງອກ, ຮອງຜູ້ບັນຊາການທະຫານເຂດ 2; ພົນຕີ ສີພອນໄຊ ຄຳທອງເຫວີນ ຮອງຫົວໜ້າກົມໃຫຍ່ເສນາທິການກອງທັບປະຊາຊົນລາວ...

ໂຄງການດັ່ງກ່າວໂດຍທະຫານເຂດ 2 ເປັນເຈົ້າຂອງລົງທຶນ, ເຊິ່ງໄດ້ຮັບການຜັນຂະຫຍາຍໃນໄລຍະ 2022-2025, ຕາມຮູບການກໍ່ສ້າງໃໝ່ ສົມທົບກັບການດັດແປງ, ຍົກລະດັບ.

ການນໍາທະຫານເຂດ 2 ແລະກະຊວງປ້ອງກັນປະເທດລາວ ລົງນາມມອບ-ຮັບບັນດາກິດຈະການ ໃນໂຄງການກໍ່ສ້າງກຸ່ມບ້ານນໍ້າຮາງ. ພາບ:qdnd.vn

ພາຍຫຼັງເວລາເກືອບ 4 ປີແຫ່ງການຜັນຂະຫຍາຍ, ຜ່ານຜ່າຄວາມຫຍຸ້ງຍາກຫຼາຍຢ່າງກ່ຽວກັບສະພາບດິນຟ້າອາກາດ, ເງື່ອນໄຂການກໍ່ສ້າງ, ມາຮອດປະຈຸບັນບັນດາກິດຈະກໍາຍ່ອຍໄດ້ປະຕິບັດສຳເລັດ 100%,  ຮັບປະກັນຄຸນນະພາບ, ຕອບສະໜອງຄວາມຮຽກຮ້ອງຕ້ອງການດ້ານເຕັກນິກ, ເງື່ອນໄຂຄົບຖ້ວນເພື່ອມອບ-ຮັບ ແລະນໍາເຂົ້າໃຊ້ງານ.

ການນໍາທະຫານເຂດ 2 ແລະກະຊວງປ້ອງກັນປະເທດລາວ ໄປກວດກາບັນດາກິດຈະກໍາຍ່ອຍໃນໂຄງການ. ພາບ:qdnd.vn

ກ່າວຄຳເຫັນທີ່ພິທີ, ທ່ານພົນຈັດຕະວາ ຫງວຽນແອັງຫງອກ ຢືນຢັນວ່າ ການຜັນຂະຫຍາຍໂຄງການດັ່ງກ່າວແມ່ນພະຍານຫຼັກຖານສະແດງໃຫ້ເຫັນເຖິງສາຍພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ - ລາວ. ທ່ານພົນຈັດຕະວາ ຫງວຽນແອັງຫງອກ ເນັ້ນໜັກວ່າ, ບັນດາກິດກະກໍາໄດ້ຮັບການລົງທຶນ ແລະກໍ່ສ້າງບໍ່ພຽງແຕ່ມີຄວາມໝາຍດ້ານເສດຖະກິດ, ສັງຄົມເທົ່ານັ້ນ ຫາກຍັງມີຄຸນຄ່າຍາວນານທາງດ້ານການປ້ອງກັນຊາດ, ປ້ອງກັນຄວາມສະຫງົບ, ການທູດປ້ອງກັນຊາດອີກດ້ວຍ.

ໂດຍ: ທູຈາງ