ງານໂຮມຊຸມນຸມມິດຕິງ ຕອບສະໜອງວັນທົ່ວໂລກປ້ອງກັນ, ຕ້ານໂລກ AIDS: ຫວຽດນາມ ຢຶດໝັ້ນກັບເປົ້າໝາຍຢຸດຕິໂລກ AIDS ໃນປີ 2030
ວັນທີ 29 ພະຈິກ, ຢູ່ນະຄອນ ໂຮ່ຈີມິນ, ກະຊວງສາທາລະນະສຸກ ໄດ້ຈັດພິທີໂຮມຊຸມນຸມມິດຕິງລະດັບຊາດ ຕອບສະໜອງ 35 ປີ ແຫ່ງວັນຕ້ານໂລກ HIV/AIDS ແລະວັນທົ່ວໂລກປ້ອງກັນ, ຕ້ານໂລກ AIDS (ວັນທີ 1 ທັນວາ) ປີ 2025.
ພາຍໃຕ້ຫົວຂໍ້ “ສາມັກຄີແມ່ນກຳລັງແຮງ - ຮ່ວມແຮງຮ່ວມໃຈຢຸດຕິໂລກ AIDS” ໄດ້ສ່ອງແສງໃຫ້ເຫັນຄວາມມານະພະຍາຍາມຂອງຫວຽດນາມ ໃນການປະຕິບັດບັນດາຄຳໝັ້ນສັນຍາສາກົນ ແລະສ້າງເງື່ອນໄຂ ເພື່ອໃຫ້ທຸກຄົນສາມາດເຂົ້າເຖິງການບໍລິການກ່ຽວກັບໂລກ HIV/AIDS ຢ່າງຍຸຕິທຳ ແລະບໍ່ຈຳແນກການປະພຶດ.
    |
 |
|
ການນຳພະແນກສາທາລະນະສຸກນະຄອນໂຮ່ຈີມິນ ພ້ອມດ້ວຍຜູ້ຕາງໜ້າອົງການ ສປຊ ໝັ້ນໝາຍຮ່ວມແຮງຮ່ວມໃຈຍູ້ໂລກ AIDS ໃຫ້ຖອຍໄປ. ພາບ: vov.vn |
ເມື່ອກ່າວຄຳເຫັນທີ່ພິທີໂຮມຊຸມນຸມມິດຕິງ, ທ່ານ ສຈ.ປອ. ເຈິ່ນວັນຖວນ, ຮອງລັດຖະມົນຕີກະຊວງສາທາລະນະສຸກ ໃຫ້ຮູ້ວ່າ ດ້ວຍຄາດຫວັງຍູ້ໂລກ HIV/AIDS ໃຫ້ຖອຍໄປ, ຫວຽດນາມ ໄດ້ຜັນຂະຫຍາຍຢ່າງແຮງ, ຄົບຊຸດ ແລະເປີດກວ້າງການເຄື່ອນໄຫວຕາມທິດເຂົ້າເຖິງຢ່າງຮອບດດ້ານ, ສະໜອງຄົບຖ້ວນບັນດາການບໍລິການຈາກການປ້ອງກັນ, ການວິເຄາະເລືອດຕະຫຼອດການປິ່ນປົວ HIV/AIDS.
ສ່ວນທ່ານ Raman Hailevich, ຜູ້ອຳນວຍການອົງການປ້ອງກັນ, ຕ້ານໂລກ AIDS ຂອງ ສປຊ ປະຈຳ ຫວຽດນາມ ໄດ້ຍົກອອກບັນດາຜົນງານພົ້ນເດັ່ນຂອງ ຫວຽດນາມ ໃນວຽກງານປ້ອງກັນ, ຕ້ານ, ຍູ້ໂລກ AIDS ໃຫ້ຖອຍໄປ. ຄາດວ່າ ໃນໄລຍະ 2004 - 2024, ຫວຽດນາມ ໄດ້ຊ່ວຍເຫຼືອປະຊາຊົນກວ່າ 1,2 ລ້ານຄົນ ບໍ່ຖືກຕິດໂລກ HIV ແລະ ເກືອບ 320.000 ຄົນ ບໍ່ຖືກເສຍຊີວິດຍ້ອນໂລກ AIDS.
ແຫຼ່ງຄັດຈາກ: vovworld.vn